براكين الشوق

الجزا الثاني (13)

الجزا الثاني
      (13)

#براكين_الشوق

البدوية و المجنون.

رضا

ركضت بطرك السروال و الداخليات للسيارة لحكتني بشة بيدها بدي تراكي..

: لا تروح هيج..

: تعاي وياي خاف نحتاج مرة...

جانت مخلية عباية راس دون حجاب من جابتلي البدي.

دخلت وشوي اجت لافة شال..

: اخذته من زهراء..

: يلة..

ركبت و سقت ايدي ترجف

: لا تسرع على كيفك..

وصلنا المستشفى.. للطب العدلي.. ظل محتار اتصل..

: فضل جابوها للطب العدلي لو بعد ملكيت احمد وينكم.. بس لا شرحوها انطي فلوس ولا يشرحوها..

فضل: خوية  شبيك.. مفاول و تشائم.
بالطواريء تعال.. اذكر الله لا تفكرنا بفالك دومك متشائم...

سديته وما فاهم شي اشرت لكرشة تنزل..
: يلة..   احتمال لسة ممسلميها لطب العدلي..

دورت ردهات الطواريء.  لكيت احمد بالممر كبال ردهة هو وفضل و ساند راسه على الحايط يمسح بعيونه.

: شلون ماتت مو وصيتكم  تنتبهولها وتلتزموها قران و ادعية شلون هيج تماهلتم..

فضل: شبيك خوية مبيها شي  ضاجت لان راسبه..  و راح تعيد سنة ووكعت..

لزمته من قميصة: وكعت!  ولك ابن الكلب ولك مو كلت الحك وعد راحت. 

: وقتها ما ادري شحجيت شفتها زركة صارت عبالي ماتت.. منتبهت لنفسها و لكفها احمد واني وراه للطواريء.. و نسيت مخابرتك خوية شبيك عركان متوتر.. ميصير هيج...

ارجف لسة ممستوعب النوب حظي هذا وين العار صار اخوي واحد يدبر مؤامرات ينتحل شخصيتي و شلع كلبي لمن توكل شهيد للبرزخ و الثاني فاهي و بارد.   ... عبالك الحجي و الحرورة... بفلوس...
: من انعل ابوك لابو الخلفك يا عار يا ابن العارات..  ولك اجيت حافي لو ما ام ريان تركضلي بالبدي و الشحاطة شكول عليك لو مجلط لو صاير بيه شي لو انكلبت بية السيارة اني والمكرودة هاي النوب جبتها اسحسح بيها هي وعبايتها  الكصيرة ونعالها ابو اصبع جنها مكدية و النبي حالنا عبالك مكدين.. كلنا بهذلة..
و هسة تكلي ممنتبه و نسيت مبلغتنا من الله يطيح حظك  لابو حظي الطايح  و اني ادري بحظي من يوم جابتني امي وحظي *************"*"********

: رضا ما صار شي خوية هياتها علكولها مغذي مبيها شي خشمك ينزف بس لو تبطل عصبية و الله مو حجي هذا جاي، معصب.   اهتم بصحتك منو يفيدك تحرك بروحك..

: اسكت ولك اش.  ولا كلمة اش..

دفرته بوكسي شوهت خلقته الطايح الحظ غضب مو اخوان اريد واحد زين ماكو اني محروك كلبي هو شكد بارد يا الله