براكين الشوق

٥١

#براكين_الشوق٥١
الحب الأوحد

ما اريدك و اريدك
حرت و حتاريت
العفتك لو اخذتك ثنينهن بلوة
#غيث
ــــــــــــــــــــــــــــــــ

طلعت..
بس يم الاستعلامات
انتبهت لضوضاء
شفت مرة تضرب بنية

بفضول تقربت و اني اركز بالبنية
الي تتوسل تبجي جانت سافرة او مدري مجرجريها بالكلبية و ممستور شعرها
ركزت بيها اكثر
واني حنين على غضب على ذكريات تمر بخاطري
واني مصدوم ممصدك
لو مو تمر سنين لو مو تكبر و تصير اطول هاي الملامح محفورة بذاكرتي
تقدمت وجريتها بغضب من ايدها وهي صرخت مرتعبة
: سيدي بريئة سيدي والله يتيمة واستفردوا بيه
بس كزيت سنوني بقسوة و اني حيل الزمها حتى صرخت اخ ايدي
: اسمج الرباعي يلة بساع
باوعتلي تنحب.
وهي خايفة مرهوبة

براء..

تهجم علي شرطي.
و الغريب الضابط الي وياه يوخرة عني لدرجة حسيت هذا الشرطي هو فد شي جبير

يعني شكد اخاف من الشرطة واحد منهم شكله يخوف ضخم اضخم من هذا الي ضربني..

و شواربه نازلات على حلكه صوته خشن و على متونه نسر

(رتبته..)

صاح بيهم

: شديصير هنا انضباط....

طكولة تحية الي ضربني طك تحيه هم بس جان جسمة ويدة ترجف

: وهاد...؟ شديصير يم الاستعلامات.

بسرعه الضابط الي جاب مي وغسل لهذا وهاد.. صفنت بالأسم احسه سامعه بيه
ما اعرف

: سيدي ماكو شي قضية سرقة ووهاد انفعل شوي.

: التحقيق يم الاستعلامات يا نوفل.؟

وراها راح طلع خارج المركز

و نوفل اشر لشرطة

: جيبوهم لغرفة التحقيق

ظليت خايفة من اجة شرطي يجر بية
كام هذا دفعه و هو لزمني لأن الي عندة ثلاث نجوم امره يفوتونا لغرفة التحقيق..

غيث

اخ يا نار كلبي عبالكم فوخت كلبي بيها لا بس خل اسد هاي السالفة النوب اني مرتي تبوك.

واحنا نمشي لمحت شرطي يباوع لضفيرتها و حدود جسمها من كلبيتها الكصيرة شوي و ضيكه اصغر من قياسها.

وجهها اصفر تعبان بس هم يشوفوها حلوة وهذا غثني نظرتهم لعرضي

رحت لبردة شباك و حريتها حيل
جانت من قماش ثخين و فصال عادي مال اي دوائر..

وكع البوري مال البردة بالكاع وصوته خلاهم يشيلون عينهم عنها يباوعون شسوي

اخذته و ذبيت البردة عليها و حجيت بغضب