براكين الشوق

48

تكدرون تقسمون البارتين دمج ع كم يوم ممتوازين تقروه يوم واحد

هذا للي ميحب بارتز طويل..

#براكين_الشوق٤٨
دمج بارتين
الحب الأوحد

شعندك جايني و شمخلي بوهامك
حبل طاسة الحب اطول من ايامك
ولك مو  وصلتني لمرحلة تمنيت
انا اليدفع الكرسي لحظة اعدامك..

ـــــــــــــــــــــــــــــــــــــ

رضا...
من يوم خابرت نوسة و احس بصوتها و هواي لحت  يمتى تجي مو لهفة لجيتي بس كأنما تجيك وقت جيتي وهاي ممرتاحلها..
من يوم انتفظت و علنت اني مو ابوها حقيقي ليلي ما انام و حتى منال تسألني ليش قلق..

جنت حاسب لهيج يوم يجي مثل ما خليت حسابات و احتمالات مستقبلية..  ثانية تقتضي اصير ابوها بالارضاع
حتى من تنكرني بيوم متكدر لأن فعلا ابوها اني..

خليت ايدي على وجهي واني ورى ميز محلي.  اوزن بذهب و افكاري بعيدة...

لنوسة و تغيرها.   متوقعت بيوم تربيتي ما تثمر بيها..

حيل مضايق شكد تخابر مجاوب و تعتذر برسائل مرد...
حجايتها دكت بعظمي..

و بس ارجع بصرة الا اطلع حليب امها من خشمها دللتها هواي الظاهر والا اراويها مو رضا الي ينكروه  بأبوته.

اليوم  من خابرت رديت كلبي كارصني اول مكعدت الصبح احس كلبي يوجعني بس مو الم مرض
وقتها منال كالت خاف مستبرد بضلوعك..
اجيت محلي  و بالعشرة اتصلت تجس نبضي ارجع لا هنا زاد شكي بيها اكو شي..

ساعة تجر ساعة واني قلق و متوتر..
عاد صارت الساعة بالثنتين الظهر 
هنا بعد ما كدرت.
واني جاي اطلع اتصل بية نوح ابو العلوم..

: عمي شلونك ردت ابلغك خطوبة مرتجى على اختي تأجلت على ما يطيبون..

: شنو يطيبون شكو يا ستار ما فهمت؟

: امس كال خالي ابو مرتجى نطلع للبصرة قبل يومين عد ابن عمه هناك ساكن..
حتى يرتبون الوضع و هم يلمون زلم عشيرته عندة ابن عم ثنين بالبصرة ساكنين
و غير الي ببغداد كالوا نوصل الخميس صبح. 

: اكول نوح سألتك شصاير لا تطلعلي،رون سايد و تشرح ابني هسة كولي شبيهم خوالك

: اي جايك بالطريق...سيدة( كبل)
بعدهم ما طالعين بغداد واندعموا
هذا الحجي امس الصبح التهينا بيهم ما خابرتك..بس،اطمن العريس  طلع منها صاغ سليم  بس اثر حيبقى  بكصته لنص حاجبة خياط كون ما تعترضوا عليه لأن تشوهت كصته.
وجرح بفخذه هم خياط..
هذا جوة الملابس ميبين
و خواته همزين مو وياهم ما قبل خالي يرحن

خالي رض بضلعه  ومرتة كسور عدها بيدها

: خايب بريك بريك خل افهم يا تشوه يا بطيخ العالم الله طلعهم من موت وانت تحجيلي مرتجى تشوهت كصته.. لا حول ولا قوة الا بالله