براكين الشوق

46

م/ هذا البارت مال باجر قدمت نشره لليوم فشصار كولوا وراي شصار  ؟
اني اكولكم شصار
صار امس نزلت الكم و اليوم نزلت
فباجر صار استراحة مال بارت امس و الجمعه استراحة مال بارت اليوم يعني بادلت بالأيام حتى اكسب الخميس والجمعة استراحة لأن حروح لخوالي ودمتم سالمين♥
ـــــــــــــــــــــــــــــــــــــــ
#براكين_الشوق46

الحب الأوحد..

بقلم
نـޢޢۅرـ  بـصـ≋ـرـريّےـ

لاكيتك و يا ريت الملكة ما صار
متغير ومو ذاك ترحيبك الحار
ـــــــــــــــــــــــــــــــــــــــــــ

مرتجى..

ابات بالفندق بس اني امر  على امي وخواتي حتى. اشوفهم..

طبعا لكيت بيت وتكاتبت وي ابو البيت بس بقى يجي ابوي على مود التحويل

راعي البيت طلب مدة شهر حتى يرتب وضع شيلته من البيت وخلال هاي الفترة ابوي يرجع.

هاي الايام الي هاي الحلوة عند بيت عمتي كلما اجي ماكو متطلع.
كولش عجبني احتشامها و نويت اخذها الي.. شفتها نقيض مرتي، 
بس كلما افكر بالزواج ارجع اتخوف.
يعني اني لسة ممجاوز صدمتي بليلة عرسي عشر سنين كلما اذكر
شلون انخدعت
اخاف اظلم بنت الوادم وياي.

بس البنية هاي حلوة كولش و اخاف تنخطب وتروح مني.

لازم استقر و استمر بالحياة
كبرت.... و لحد الان معندي مرة وطفل...

من بعد عشر سنين رافض تكرار تجربة الزواج قررت الأستقرار و اتجاوز الصعوبات..

بس اليوم من فتحتلي اسيا الباب استغربت
:  شعجب انت فتحتي الباب اخوانج طالعين؟

:  اي مشاكل بالمحلات

:  عمتي وين..؟

:  هاي  دتبجي وامي ترزلها لأن ما فهمنا شبيها خابرولها وهي ظلت تبجي تلطم..

:  منو هاي؟  قصدج اختج..

لوت اسيا بوزها و بعيونها حجي بس مكالته غير:

: ياريت ما صارت اختنا العرج دساس امي تكول.»

استغربت شبيها البنية وهيج ممتقبليها. 

:اكول اسيا البنية بيها شي،؟ يعني حتى متكولين اختي او على الاقل تسميها بأسمها شو كلكم تصيحوها ب هاي من باب استنكار
البنية شبيها بالضبط؟

باوعتلي مستغربة : وأنت ليش مهتم خاف تدور مرة وحطيت عينك عليها يمعود ما تفيدك هاي نصيحة من اخت اعتبرها
كالتها و  راحت كدامي....
دخلتني اسمع البجي و النحيب..  التفتت لجهة التبجي واشوف حورية انسية كاعدة بالكاع

شعرها الاسود مطشر بكل مكان سرح كولش ذكرني بشعر زينب العسكري الكويتية.
بس هذا اطول..  و اثخن..