براكين الشوق

٥٩

#براكين_الشوق٥٩
#القواعد_الخمس.
القاعدة الرابعة.

بأستطاعتك ان تحبس انفاسك كما بأستطاعتك ان تحبس دموعك  ولكنك غير قادر على ان  تحبس نبضة من نبضات قلبك
امتلكني ما شأت 
اخيرا وليس اخرا ساخرج منك على شكل  نبضة...

اي ترف بس سوالفك مو ترفة

و شكد عزيز اسمك ولا تعترفة
وبكلبك اضم اي  جرح ما مقصود
و ترده عود صدفة بصدفة..

#الشاعر حسين علي المطوري.
ـــــــــــــــــــــــــــــــــــــــــ

بأحد البلدان طلعت نقالي عندي شريحة بريطانية.

استخدمها برحلاتي و مسوي بيها حسابات اواصل الشغل و ادير اموري منها

لأن غالق حساباتي القديمة..

عرفت من اصدقائي ابو فضل بالهند حاليا. 

تركت الرحلة بالسفينه انطيتهم خبر
حتى لا يبلغون اختفائي..

و طرت للهند..  طلبت من ابو فضل يسجلني كمرافق..
خاصة اكو بالرحلة اطباء ديدرسون الامراض الاستوائية

بالفندق  بالعاصمة.

طلبت من تكسي المطار يدزني لهذا الفندق الي بيه البعثة

و لكيت ابو الفضل بقاعة الانتظار

اشرتله
فتح عيونه الحشيشيات الخضر
بمرح

: سويتها واجيتني ههه

: حبيبي دعوة و اجتني ليش ارفض العود اكدر اخذه وياي رفيق الدرب لو امنه بأمانات الفندق

: اخذه..  اكيد اخذت لقاحات قبل دخولك الهند

: اي عيوني اخذت خاصة الملاريا
: احسنت. 
: الرحلة تبدي ورى اسبوع..  ترى لقرى متوجهين...
ويانا كادر امريكي و متعدد الجنسيات. 
: اني ورى هاي الرحلة اباشر  دراستي
حصلت موافقة من البلد والمستشفى..  جان هاشم على حق شكو اضيع تخصصي
واكدر ابقى تاجر ذهب ونفس الوقت طبيب..

: خير مسوي العلم شي حلو اني هسة لو تعرف كم شهادة عندي رغم عمري صغير

فادني بالخارج دراستهم ممكن اختصر، الوقت و السنين ونظام اعتمادهم ع ذكاء بتحديد السنة الاستحقها فادني هواي

: بروفسورنا الصغير مو جنك حميت علينا...

ضحك: صدك اتصلوا اهلك باهلي ودزوهم علي

عدهم مشاكل مبين لو تشوف شبيهم

سكتت و دنكت
: ࢪضاا؟!  كل راعٍ مسؤول عن رعيته..  وانت ميصير تتركهم كولش انت الجبير لازم تتحمل

: ابو فطيم خل اكولك شغلة..
اذا كلما يأذوني وبس يحتاجوني يلكوني موجود راح زعلي يصير عدهم سهل شكلك هذا هو اليرجع وميحتاج نهتم.
اني اريد يتعلمون درس وجودي مهم بحياتهم وغيابي صعب عليهم
خلي يحلون مشاكلهم مو هم يكلولي تدخلاتك تفشلنا و مساعداتك مريدها
لو مرتي الجاحدتني مو هي تكول لا تدخل بية وباولادي
شكو مدخل نفسي
ولك خااايب جعت شنو مناوي تعزمني، وني واصل من سفر..