خرجات نصيرة من الغرفة بعدما خلات فُـتـون متكية على السرير وصوت شهقاتها مزال كيتسمع... حلات عويناتها بلون البحر ورمشات بشفارها الكثاف لي مزال عليهم أثار الدموع....كيبانوا بحال شي بحر هائج... جلسات على حافة السرير وحطات يديها على عينيها وبدات تتكلم بهمس....
فُتـون: يا الله خليني نشوف من أول وجديد... يا الله رحمني ورحم ضعفي.... خليني نشوف شكلي كيف داير... بغيت نشوف النعم لي دايرين بيا ماشي غير نحس بيهم.....(تنهدات) الحمد لله على كل حال......
وقفات جارة صندالتها فرجليها بإتجاه الحمام لي فغرفتها... أكيد مع الوقت حفظات جميع ممرات هاد الڤيلا... وعارفة فين كتخطي خطاويها..... غسلات وجها ومسحاتو بالفوطة.... ابتاسمات فاش سمعات هاتفها النقال كيصوني برنين حافظاه مزيان وعارفة شكون صاحبه.... تمشات بالزربة اتجاهو وجاوبات فالحين... 📞فتـون: آلو عمران... 📞عمران: سلام الغزالة كيراك صاڤا؟... 📞فـتـون(تنهدات): أنا بخير ونت؟... 📞عمران: حتى أنا (سرح حلقو ونطق) توحشتك.... 📞فـتـون(جبدات عينيها بدهشة والإحمرار كتاسح خدودها المرفوعة): شكرا آ عمران....
كان رد عادي بالنسبة ليها لكن بالنسبة ليه كان رد محرج وفيه القليل من الإهانة... 📞عمران: نخليك بسلامة....
نطق بهاد الكلمات وقفل الخط وهو مقلق من جوابها...🔒
بقات واضعة الهاتف على ودنيها وهي مصدومة من ردة فعلو... مكانتش متوقعة غادي يقطع الخط بهاد الطريقة وبهاد السرعة... تقلقات بزاف... أكيد غادي تقلق وهي كتشوف عمران هو الشخص المناسب ليها... إعجابها اتجاهو كان كيزيد نهار على نهار... هو الرجل الوحيد لي دخل حياتها وحسات معاه أنها أنثى مكتملة....رابطة أملها بيه وظانة بلي هو الشخص لي غادي ينور عتمتها... ⭐
كانت غافلة على ماماها لي وراء باب الغرفة كتشوف فيها وكتحسر على حالها.....حاسة بالمشاعر لي هازة اتجاه ولد عمها عمران وانجذابها ليه... ولكن نصيرة متأكدة بلي الشيء لي كتطمح ليه بنتها ماعمرو غايكتامل......
#يتـ____ـبع.. بقلم: رباب نجمة☆❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
