🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السابع والسبعون🌟
هزات راسها محركاه بالإيجاب ونطقات.....
براءة: آه أنا حاملة....
شافتو كيف حال عينيه فيها والصدمة باينة عليه... ورجعات كملات....
براءة: ماعرفتش كيفاش تم الحمل من أول ليلة ولكن هادشي لي وقع أنا حملت....
بدات كدمع وخدودها توردوا بسرعة....
براءة: خصك تشوف شي حل ضروري هئ هئ وإلا ماما غاتقتلني.... انا مامتخيلاش لي ممكن يوقع.....
فجأة توقفات عن الكلام ضاغطة على نفسها ونطقات بحزن.....
براءة: إلا سمحتي فيا أنا غانقتل راسي.....
غمضات عينيها كتنفس بصعوبة ساكتة لفترة ورجعات فتحاتهم على وجه عثمان المصدوم وكملات بقسوة رامية ليه الكلام لي طاح على عثمان بحال الملح لي كيزيد الجرح ألم....
تيبس عثمان مصمر فمكانو او وذنيه سخنوا كيتردد فيهم غير جملة "انا حاملة".....كلامها الأخير زاد صدمو... شاف فيها كيف موسعة عينيها كتنتاظر منو رد...رموشها فازگين بالدموع....مدهوشة... ومصدومة.... خايفة يكون ماتاقش بيها....
كيرمش بصدمة وبعدم إستيعاب...واخيرا نطق بحروف مبعثرة....
عثمان: نتي حاملة... كنتي حاملة من هادي شهر.....
شافت فيه بإبتسامة حزينة وسط دموعها لي كتنز من عيونها الجميلة وحدة تلوى الأخرى ورددات وسط بكائها....
براءة: اه انا حاملة....
عثمان تنهد بعمق عارف بلي هو غلط معها ولكن من واجبو يتحمل مسؤولية غلطو....
عثمان: انا فرحان حيت غانكون أب لقطعة منك.... كنبغيك أبراءة.....
عنقاتو ورسمات إبتسامة شيطانية ناطقة بحب....
براءة: وأنا كنحماق عليك....
بعد عليها مسافة صغيرة وتكلم....
عثمان: خصنا نتزوجوا ضروري...غدا غادي يعرف كلشي بعلاقتنا واش نتي مستعدة....
بلعات ريقها وهزات راسها بالإيجاب....
براءة: مستعدة.....
اما للداخل كانوا الرجال كيتكلموا في امور الخدمة والعيالات كيدويو في مواضيعهم لي مكتسالاش....
نطقات يسرى في اذن أمال لي كانت ساهية...
يسرى: نتي فين ساهية... شنو لي شاغلك تفكيرك....
فاقت أمال من أفكارها ونطقات بتوتر....
أمال: ونتي علاش عزيز عليك دخلي في أموري....
يسرى: وخا ألالة مع الوقت أكيد غانعرف لاياش كتخططي....
وقفات أمال وغادرات الصالة والتوتر طاغي على ملامحها.....
حتى سمعات هاتفها كيصوني... رفعات الشاشة وبان إسمو المخيف "ناصر"....
انتظرات ثواني قليلة عاد فتحات الخط.....
#يتبع..... بأنامل: رباب نجمة....❤رأيك وإنتقادك اشنو بغيتي تشوفي في قصتي من هنا لقدام ؟ وديري إشهارات بليييز ربحي فرصة تكوني مشرفة معنا ❤️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
