🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء التاسع والتسعون🌟
تعالات الزغرات في ڤيلا التلمسي بمناسبة خطوبة يسرى و أيوب وزواج عثمان وبراءة لي قدروا يتقبلوا زواجهم بعد ما تقبلات العائلة الموضوع.... وكذلك فرحانين بنجاح آرسلان في الإنتخابات وترأسو لمجلس الوزراء.....
كانت فتون واقفة بجنب الباب كترحب بالضيوف المقربين ولالة نصيرة بجنبها..... حتى حسات براسها تجرات وظهرها لامس الحيط... ستوعبات الأمر فاش شافتو قدامها بإبتسامتو المعهودة لي كتكون غير معها بوحدها..... نطق بهمس وشفايفو كيلامسو خدها الناعم....
آرسلان: حياتي والجنة لي عشتها في الدنيا....
نزلات عينيها حشمانة ونطقات بارتباك....
فتون: واش تسطيتي دبا يشوفنا شي واحد....
رد عليها بصوت هامس وشفايفوا كيتحسسوا عنقها الطويل....
آرسلان: مكايهمنيش نتي راك مراتي...
بعداتو عليها حتى طلاقات عينيهم ونطقات...
فتون: ولكن راه حشومة...
قرب منها أكثر ناطق بصوت بورشها وخلاها غارقة في عينيه السود....
آرسلان: كنبغيك بزااف...
ضحكات فتون عاضة على شفايفها ونطقات بارتجاف....
فتون: حتى أنا....
ابتسم فور نطقها لهاد جوج كلمات.... وقلبو كيضرب بالجهد حاس بلي الدنيا مابقاتش كافياه محتاج قلبها باش يعيش....
آرسلان: حتى نتي كتبغيني امم...
حركات راسها بالإيجاب ورموشها تبللات بدموع الخجل....
فتون: أه كنبغيك كثر من راسي....
دوز يديه على حنيكاتها الحمرين وغمزها ناطق بجرأة...
آرسلان: فالليل غانخليك تقوليها بزاف دالمرات حتى للصباح....
هربات من بين يديه غادا كتعثر في جلايل قفطانها ورجعات لمكانها واقفة مرفوعة وخدودها حمرين... وماماها كتحمد الله على إبتسامة بنتها لي تعذبات في حياتها بزاف.....
اما في الغرفة الفوق كانت يسرى لابسة قفطان فالأزرق الملكي منبت بالأحجار الكريمة مبين فصالتها العامرة ودايرة مشيطة زوينة وماكياج زوين جا مع بشرتها السمراء.... ابتسمت وهي كتشوف في براءة لي حتى هي ماكانت أقل منها جمالا، لابسة قفطان أحمر وجامعة شعرها مشيطة دالعرايسات وكتشوف في المراية عاجبها الحال وفرحانة براسها وجمالها واضعة يديها على كرشها كتمررها بدلال مزال ماقالتها لحتى واحد من غير فتون حيت غاتوقع مشكلة أكبر... هي حتى ماقالت تقبلوا الأمر والفضل راجع لحبيبة قلبها وأختها فتون لي توسطات ليها وتكلمات معهم وقنعاتهم بعلاقتها مع عثمان....
نطقات يسرى بغنج...
يسرى: تبارك الله جينا كنحمقوا....
ضحكات براءة بمرح ونطقات....
براءة: هاهاي على القملة خويا دا الزين....
ضحكات يسرى حتى هي عاجبها الحال ونطقات...
يسرى: إوا سعداتو ههه....
#يتبع...
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
