🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثامن والخمسون🌟
🔱🌸بَــعْــدَ___يَــوْمَــيـــن🌸🔱
بالضبط في قاعة فاخرة من قاعات الحفلات الكبرى بمدينة الرباط لي عليها إقبال كبير... كانت قاعة مجهزة بكل الشروط باش يتحقق عرس مغربي ممتاز.....
في الدخلة لي مفرشة بالسجادة الحمراء وصلات طموبيل أخر مكاين في سوق السيارات.....مزينة بالورود والنفاخات...... وقفات كتنتاظر نزول الركاب..... تحلات الباب وبانت رجليها البيضاء كبياض الثلج، مزينة بخلخال فضي لامع.... كعب عالي زايد من طولها خاص بالعرايسات، والنقش مزين رجيلاتها العامرين.....💛
خرجات شادة من جلايل قفطانها الأزرق البارد الجوهري مطروز بالعقاد ذو خدمة متقونة من طرف أحسن المصممين لي كاينين في مدينة الرباط.... كان لونو كيعاكس لون عينيها الزورق.....
أخيرا قدرات توقف كتقاد في قفطانها المشدود بمضمة ذهبية قديمة باينة غير من لونها الصافي واللامع عكس الذهب ديال اليوم..... أكيد عندها تاريخ....جا عليها داك القفطان فن وعلى قياس جسمها النحيف والمثير...رغم أنها رقيقة إلا طولها وجسمها مواتيها وعاطيها جمال..... واضعة الطرحة على شعرها الطويل لي لونو بلون البن.....كان مجموع في مشيطة بسيطة وكيوت مزينة بتاج فضي رقيق....البعض من خصلات قصتها كتهبط على عويناتها المجبدين من عند الله وعاد مازادوا تجبدوا بداك الأيلاينر والكحل لي مامولفاش بيه طيح عليها السر.... الحمرة الفاتحة لي على شفايفها المنفوخة....حنيكاتها الحمرين...كلشي كان فيها هادئ وزوين........كانت ديك الطرحة طويلة مخبية ملامحها وتفاصيلها الجميلة....
نزل هو من موراها لابس كوستيم فالأسود مزير على صدرو العريض..... مسرح شعرو الكثيف بتسريحة أنيقة..... واضح ساعة فخمة على يديه العراض لي مزينة ببعض الزغيبات لي مازايداه غير رجولة.....
شد فيديها المزوقة بالحنا والخاتم ديال الزواج لي ربط مصيرها بمصيرو من داك النهار..... واليوم جا الوقت باش يوثقو زواجهم أمام اللّّه وأمام القانونْْ......
جرها معاه وبجنبو والنگافات تابعينهم بالصلاة والسلام على نبي الله عليه الصلاة والسلام.....والعائلة واقفة بجنبهم دايرين بيهم كيصليو على النبي حتى هما....عائلة التلمسي لي اليوم كان عندها سبيسيال.... وكيف لا واليوم هو لي غايتزوج فيه الحفيد بالحفيدة.... غادي توثق علاقات عائلية و المصالح كذلك لي كتخص الشركة والشراكة في الأسهم.....
كانت عوينات فتون كتلمع بخجل حاسة بالجو غريب...أما هو كيشوف فيها بعيون معسلة......
قربوا البنيتات الصغار بقفاطنهم هازين سلات في يديهم.... وكيرميو الورد على العروسة والعريس.....
الصحافة كانت كتاخد ليهم صور وڤيديوهات تقدر تربح منهم مشاهدات عالية.... وكل واحد كيفكر في شي عنوان يناسب هاد اليوم المهم.....
#يتبع.....
بأنامل: رباب نجمة.🔱🖤
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
