في الصالة كان الكل مجتمع بعدما التحق بيهم كل من عمران وهند.....وبعد لحظات دخلات الخادمة ومن وراها سكينة.....
غير شافت سكينة فجيدان بنظرة مستفزة....تهز قلب جيدان بخوف وخنزرات فيها كتحلف عليها.....
نطق الجد مستغرب وهو متكي على عگازو... الجد: ياك لاباس أبنتي أشنو جابك ياك عاد كيف مشيتي لداركم ؟
ابتسمت ليه وعينيها على لالة جيدان.... سكينة: بصراحة مامشيت فين ولكن مابغيتش نمشي قبل مانعلمكم بحاجة مهمة.....
استغرب الجد ونطق.... الجد: كنسمعوك تكلمي.....
سكينة: بيناتكم لفعة سامة مستعدة دمر حياة الأشخاص لي ضايرين بيها على ود السمعة والفلوس.... وخا يكونوا هاد الأشخاص ولادها..... واش عرفتوها شكون.... (ابتسمات وكملات كلامها) جيدااان.....
كلشي شاف جهتها هي لي حسات بالدوخة وطاحت على الكرسي..... سكينة: أه جيدان هي اللي من ديما كتخطط كفاش تخلي براءة وعثمان يتفارقوا وهي بنفسها لي عيطات عليها باش نعاونها ونقتارح عليها شي خطة... وفعلا درنا خطة ولكن ماعرفتش كفاش براءة خرجات هي وعثمان فوجهنا فالصباح كيعلنوا على علاقتهم أمام الجميع.....
كلشي شاف فجيدان لي كانت الصدمة دايرة فيها حالة في الوقت لي قرب منها الجد ونطق بصوت غليظ.... الجد: نتي طااااالــق......
🔺❤️بعد___مرور__أسبوع ❤️🔺
حياة هاد العائلة كانت معقدة ولكن دبا كلشي ولا مزيان بحال عصافير الحب لي تجمعوا.... وإبصار فتون... وخبر حمل براءة لي فرح الجميع وخا مزال ماعارفين بلي حملات قبل الزواج.... أما ناصر غبر بعد ما صافط داك الظرف عند بالو ربح وقدر يدمر أمال ولكن هي بالعكس عاد مزادت قوات..... وتعرفات على رجل يبغيها بصح...عكسو هو لي بقا كيفكر ففتون وشكون عرف اش ممكن يدير في المستقبل على قبل تكون ليه ؟ اما جيدان رجعات لحياة البؤس لي كانت عايشة فيها من بكري... حيت لي ماحمدش الله مصيرو يبقى بوحدو.....
خرجات براءة من الغرفة كتجري فرحانة..... براءة: اليوم غانعرفوا جنس الجنين سربي اعثمان غانتعطلوا.....
عثمان خارج من وراها كيزرب... عثمان: وخا صافي غير تهدني غانوصلوا فالوقت.....
كيف وصلوا لعيادة الطبيبة فحصاتها وبان الجنين في الشاشة.... دمعات عينيهم بجوج وهما كيسمعوا الدكتورة كتقول بلي جنس النين ولد..... الدكتورة: عندكم وليد مبروك عليكم.....
ابتسمات براءة ناطقة بفرحة.... براءة: غانسميه محمد رضى....
ابتسم ليها عثمان وقرب منها مقبل جبينها... عثمان: الحمد لله ربي عوضني بيك وبولدنا.....
براءة: كنبغيك من كل قلبي.....
هادي هي نهاية الجزء الأول من قصتنا #حبك_أضاء_ظلامي 🍒فـاتـنـة آرسـلان🍒 قصة لي عرفاتنا على حياة عائلة التلمسي والأهم عرفاتنا على العالم المظلم الخاص بفتون وكفاش قدرات تخرج منو.... قصة بأنامل: رباب نجمة 🦋❤️
#نـــهـــايــة_الموسم_الأول. دمتم في رعاية الله وحفظه. خليو أراؤكم. أحبكم في الله.. 💓إلى اللقاء في الجزء الثاني من قصتنا تحت عنوان #فتنة_صغيرتي ولي ديجا محطوط كرواية أخرى مستقلة نتمنى تخليو آراؤكم ❤🍒
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
