🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الرابع والستون🌟
بقات مدة كتشوف في شفايفها بحيرة واش تخليهم بلون فاتح كيف كيعجبها ولا تزيد تغمقهم... في الأخير قررات تصبغهم أكثر بحمرة قوية وبدون خجل خرجات كتنقز بحال الفراشة....لابسة فستان مبهج بألوان مفتوحة.....
توقفت على إثر ضحك أنثوي رقيق لكنه عالي... هزات حاجبها وبالصدمة تكات على الحيط كتسمع وتشوف بعينيها..... ماثيقت ولا صدقت وخا كتشوف ديك البنت لي باينة فيها ثلاثينية كيف كضحك مع حبيبها وتشد فيه بلا حشمة بلا حية.....
غير سمعات حس الخطاوي بعدات على باب الصالة دايرة بنفسها غير الطريق لي جابتها من تما.... طلات عليها لالة جيدان مبتاسمة وعلامات وجها دالة على التحدي والنصر... عمرات عينيها بسم هاد اللفعة الشارفة لي كتقليلها السم.....
علات جيدان حاجبها ضاحكة ونطقات.....
لالة جيدان: هاي هاي على اللفعة الصغيرة كتصنت على سيادها من ورا البيبان صافي تقادوا الكتاف ولا قد القب قد السطل.....اش هاد قلة الحيا....
حنات عينيها بعدم رضى كتحس بوجها غادي يطرطق من الصهدة لي شداتها.... ماعرفات باش تنطق وتمنات لو تشدها من شعرها وتشطب بيها قنات هاد الڤيلا.....
جيدان شدات من ذقن براءة بقوة حتى ولا حمر معلية ليها وجها ونطقات بمكر....
جيدان: عند بالك إلا شاف هاد الصغر والزين كامل غادي يبغيك ويدوخ بغرامك....عند بالك بهاد الغرام دالعقل لي تكسابي غادي تخليه كيف الخاتم بين يديك.....راكي غالطة حيت ولدي مايدي غير الزينة فالبنات ولي شاربة عقلها أما وحدة بحالك غير كيفرغ فيها شهواتو.....نتي ماتوصليش حتى لوسخ رجليه....
قاطعاتها براءة هاتفة بتذمر ماقادراش تزيد تتحمل كلامها يعني جيدان عايقة بيها ولكن فسراتها كيف بغات....
براءة: مدام جيدااان !!
لالة جيدان ضحكات ضحكة ثقيلة ونطقات.....
لالة جيدان: أشنو !! تجرحتي ؟ خليك بعيدة أزوينة على ولدي وإلا غانخليك تتمناي الستر وماتلقايهش... غادي نشوهك ونعلمك كفاش تتصرفي مع الناس لي كبر من مقامك...... إلا كنتي عاهرة بحال مك ماتديريش فعايلك على ولدي......
تفاجأت براءة وفتحت عويناتها لي بارز الكحل منهم.... مامصدقاش كفاش تكلمات على مها..... ونطقات بإسمها حرفي....
براءة: جيدااان!!
ماحسات غير بكف قوي على خدها الأيسر عوج ليها وجها.... وغير بعثمان واقف عليهم مصدوم من شنو واقع......
#يتبع...... بأنامل: رباب نجمة💓🔱
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
