🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الثالث والثمانون🌟
خانوها رجليها وماقدراتش تخطي بيهم.... حتى خلعها صوتو لي كان هاد المرة قوي....
ناصر: راني دويت......
تقدمات عندو هاد المرة كمحاولة صائبة كتمنى ماترجعش توقف حيت صوتو كيخلعها داير بحال أصوات الوحوش....
قلبها كيضرب بوتيرة مفرطة... متأكدة لو كانت مريضة بالقلب كانت جاتها أزمة قلبية تأدي بهلاكها... لكن كتعتابر راسها محظوظة حيت مزال قادرة تصبر وتتقدم عندو كأنه فعلا زوجها ومن الملزوم عليها تطيع أوامرو ورغباتو....
أما هو كان عاطيها بالظهر...مراقب القمر من ديك النافذة الزجاجية كيتذكر أخر جملة قال لديك الفاتنة....
"~القمر عمرو كيبكي هو تخلق غير باش يضوي..."
ابتسم فور ماتفكر ملامحها وكلماتها الهادئة حسها دخلات لقلبو بحال البلسم....
تمنى لو مكانتش مزوجة أو كان طلاقاها من قبل...أكيد ماكانش فلت جوهرة بحالها....كان بغاها بوحدها وعطاها الحب والحنان لي حس بلي مفتاقداه...كان سمح فكلشي باش يعيش معها.....غايتخلى على فكرة الإنتقام حيت مل من كونو وحيد.... باغي شي بنت تكون بريئة وناضجة بحال فتون مابغاش شي حاجة كثر باغي غير نصف اخر يكمل روحو المحرومة.....
مافيقو من سهوتو غير صوت أنفاسها...فتون نساتو في وجود هاد البنت فغرفتو.....
ضار وشاف فيها مطول مايمكنش يكون معاها وخا يبغي...من مور ماشاف فتون مستحيل يقرب منها ولا يعتبرها مراتو.....
"كفاش ممكن لأنثى عادية تخلي رجل يتخلى على أحد أكبر أهدافو، كفاش ممكن تغير أفكارو الخبيثة؟"
شاف فيها مطول كيفكر في بزاف دالحوايج حتى نطق عاطيها بالظهر.....
ناصر: تقدري تمشي لداركم دبا....
بقات حالة عينيها بصدمة غير مستوعبة هضرتو...صافي مغاتوقع حتى حاجة بيناتهم...إذن علاش خلاها تزين وتعطر وتلبس هاد الفستان المثير.... مافهمات والو وحسات بالإحراج...نطقات في اخر لحظة....
أمال: إذن علاش طلبتي تشوفني؟
ضار عندها و رمقها بنظرات إحتقار وإستهزاء.....
ناصر: ماحركتي في رجولتي والو.... يمكن بغيت نشوفك مذلولة قدامي، شنو حسابلك غادي نقرب من وحدة بحالك... انا عايفك وعايف الشوفة فيك.... مابقيتش باغي نشوفك مرة أخرى خرجي من هنا......
درفات دموع سخونة من عينيها ماقدراتش تحرك حاسة بالإحراج والصدمة.... لهاد الدرجة ثيقات بلي ممكن يكون كيبغيها... لكن اتضح العكس.... هي دخلات لمصيدة شيطانية... وأكيد ثمنها غالي....
#يتبع..... بأنامل: رباب نجمة 🖤🔥
وخا ماكملتوش 30 جيم هانيا والله تاهانيا على قبل قارئاتي العزيوزات 😑💓
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
