🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السادس والستون🌟
شاف فسكينة بنظرة خاطفة خلا قلبها يتهز بالخوف.... وجر براءة من يديها بالجهالة خارج من تما ومكمل الطريق لي بداتها براءة.....
وسعات عينيها بدهشة من الطريقة باش جارها وإحساسها كان مزيج بين الخوف والفرحة حيت دافع عليها....ولكن الخوف كان غالب فديك اللحظة.....
ماحسات براسها غير فوسط غرفتو مرمية على السرير....علات عويناتها بارتجاف حاسة بنبضات قلبها سريعة لدرجة الخوف قدر يسيطر على جسمها.....
لمحاتو كيشوف فيها بغضب والشرار كيخرج من عينيه السود....بادلاتو النظرات بنظرات مختلفة....نظرات كتهدن من عصبيتو وهيجانو....
وقفات بصعوبة أمامو وعينيها فعينيه.... نطقات بجوج كلمات خلاوها في الأخير تندم حيت نطقاتهم....
براءة: عثمان مالك؟
شاف فيها ناطق بحدة كارز على قبضة يديه ماعاجبوش الحال من سؤالها....هي عارفة سبب غضبو إذن علاش كتسولو واش كتحاول تهدن من روعو ولا باغا تفيق الوحش لي داخلو.....
عثمان: مالك ؟ واش قلتي مالك....!! لا ماماليش فرحان وناشط حيت حبيبتي قبل ماتكون مراتي نوضاتها مع الوليدة ديالي......
نزلوا دموعها غادرينها من جديد... وإحساسها هاد المرة خاب على قبل.... في كل مرة كظن بلي وصلات لهدفها وقلبها غايرتاح مع لي كيبغي لابد ماتوقع شي حاجة لي تنكد عليها فرحتها وتقلل من راحتها......
رجعات خطوة للوراء مصدومة ودموعها نازلين بحال قطرات الندى.....نطقات بخفوت وشنايفها كيرجفوا.....
براءة: أنا ماجبدت ماماك فحتى كلمة ثيق بيا، هي لي.....
قاطعها وعينيه كيشوفوا غير الضبابة بسبب الغضب....مارضاش بشنو وقع وكفاش مو تهز يديها على مرتو المستقبلية.... كفاش هو لي عمرو حط عليها يديه تجي هي وتمد يديها بكل جرأة.... مادارتش لصغيرتو إعتبار.....
تنهد بعمق كيحاول يسترجع نفسو ويراجع حساباتو.....كأن عقلو الباطني كيقول... ماشي هي لي خصك تغوت عليها وتفرغ فيها غضبك... ماشي صغيرتك براءة....
بلل شفايفو وقرب عندها خطوة قد الخطوة لي رجعاتها للوراء.... يعني مسافة صغيرة لي كتفصل بين اجسادهم اما قلوبهم عمرها تفرقات على بعضها.....
مد يديه لذرعانها وقربها كثر حاط جبهتو على جبهتها.....شافت فيه بدون متحرك غير عينيها لي موسعين بعدم فهم..... ماحسات غير بقبلة مجنونة على خدها فين تضربات.....
اكيد مجنون هذا لي يغوت ويرجع يصالح في نفس الوقت.... حط يديها الصغيرة على قلبو الكبير لي بلا شك يكفيها غير هي بوحدها.... ونطق بهمس وشفايفو كيلامسو خدها لي فور ماتورد بخجل كبير.....
عثمان: سمحيلي أبنتي ماقصدتش نغوت عليك.....
شافت أمامها وماصدقات شنو شافت بين داك الشق المفتوح ديال الباب......
#يتبع....... بأنامل: رباب نجمة🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
