🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الحادي والخمسون🌟
أمام البحر و أمواجوا كان واقف متكي على سيارتو هاز گارو بين يديه..... وعينيه حمرين.... شكلو سكران ومع ذلك مزال شاد فراسو ومستعقل.....
جبد الهاتف ديالو وبلاما يفكرر جوج مرات دوز الخط كيتسنى ردها بفارغ الصبر...... تفتح الخط وسمع صوتها الرنان وبلهفة واضحة.....
براءة: عثمان!! هئ هئ توحشتك بزاف....
ابتسم بحب كبير راد عليها....
عثمان: عيون عثمان.... توحشت صوتك..... (استنشق الهواء كيتذكر عطرها الساحر) وتوحشت ريحتك لي كتسطيني....عينيك الزورق لي كيسحروني ماشاء الله......
تبسمات وسط دموعها مرددة إسمو....
براءة: عثمان... هئ هئ هئ عثمان.....
استغرب من شهقاتها الكثيرة وعدم كلامها....حس بلي شي حاجة واقعة لهاد الفتاة.....
عثمان: علاش كتبكي شنو واقع ليك؟
بلعات ريقها كتفكر واش تقولهالو ولا تسكت....لكن فالأخير ضروري مايعرف اللهم يعرفها منها هي....
براءة: أنا غانتزوج.....
وسع عينيه بصدمة مامتيقش كلامها.... واش كلكم نويتو تزوجو ولا كفاش...... نطق بعصبية كيمشي ويجي وكيضرب فالطموبيل بغضب.....
عثمان: نتي شكاتخربقي على ديني أنا واش كتفلاي.....
بصعوبة تقبلات صدمتو تلك لي كانت متوقعاها ونطقات بهمس على أمل تهدنو شوية.....
براءة: كنبغيك ونت عارف هادشي.....
وقف كيسمع ليها وقلبو كيزدح بعشق..... فحين هي كملات كلامها المشحون بالمشاعر الجامحة.....
براءة: غادي نبقى نبغيك وخا يوقع لي يوقع.... نت هو لي ختارك قلبي وعمرني غانفرط فيك وخا ترفضني.....
ضحكات بالفقصة كتذكر كيفاش كانت كتجري من وراه وكتلمح ليه باش يفهم ويلاحظ حبها.....
براءة: ماما قررات هي وخويا باش يزوجوني بزز مني.... حيت الهضرة لي وصلات خويا عليا ماشي مزيانة...الهضرة كثرات فيا هئ هئ درت المستحيل باش تبغيني وتكون ليا ولكن مانجحتش يمكن كان مكتاب مانكونوش لبعضياتنا..... أنا واعدت نفسي إلا ماكنتش ليك عمرني نكون لغيرك وعمرني غانخلف بالوعد لي عطيت لنفسي قدام الله..... على داكشي النهار لي غايفكروا يخرجوني عروس من دارنا لدار داك الراجل كنحلفليك غايخرجوني فكفن وأنا ميتة........ غادي نقتل راسي ونرتاح....الموت اهون من أنني نكون لغيرك أعثمان.....
دمعات عينيه بحرقة مامتيقش كلامها.....شنو لي دار معها حتى تتعلق بيه وتبغيه لهاد الدرجة.... علاش تسبب ليها فهاد الألم والعذاب وهي مزال بنت عشرينية مراهقة بحال الوردة ماشافت فالدنيا والو...... كتبغيه ومستاعدة دير المستحيل على ودو وهو مايمكنش يتخلى عليها فنص الطريق خاصة وأنه قاسها وملك جسدها مكيتخيلش يشوفها زوجة لراجل اخر من خيرو غادي يقيسها كيف قاسها ويعنقها ويشبع من حضنها......كيف دارت المستحيل هو غايحرق الدنيا على ودها......
عثمان: حتى أنا كنبغيك أبراءة.... كنبغيك ومانقدرش نعيش بلا بيك.....إلا نتي فكرتي فالموت أنا غانخلي هداك لي باغي يتزوجك بزز منك هو لي يشبع موت..... نتي ديالي ومن حقي بوحدي.... جسدك وعينيك وقلبك وكلشي فيك من حقي أنا..... وماغانسمح لحتى حد يمسك..... في هاد القصة كاملة كنت خايف عليك ولكن نتي لي تأذيتي بزاف مابقاش علاش نخاف خصك تكوني معايا.....أنا وياك غادي نتزوجوا بزز من كلشي......
لمعات عينيها بفرحة ودموعها شلال من عينيها.......هي كتحلم ولا حقيقة..... حلمها الوخيد كيتحقق.... هو كيبغيها وخا متأكدة بلي هي كتبغيك أكثر بأضعاف.......
براءة: مستاعدة من دبا أصلا هادشي لي كنتمنى....... عثمان غدا عندي العقد.......
#يتبع...... أحح عليا حميت الطرح.... توقعاتكم حبيباتي والأهم أراؤكم في القصة وبليز ديروا إشهارات ❤❤❤💎
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
