🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء 🦋101🦋🌟
تجمعوا على الجد وعطاوه لاما... أما أمال غير شاف فيها الجد حسات بشي حاجة ماشي هي هاديك....
دق قلبها وهي كتشوفوا جاي بإتجاهها وعطاها كف حتى علاج راسها وخدها ولا حمر....اما عينيها كون صابت نبكي الدم حيت عرفات بلي لي كيتسناها... يا إما الطرد بل إما القتل.....
قلبها كيضرب بوتيرة متصاعدة لما جدها حاس بالشمتة والشرف تطعن أمامو.... أما عثمان غير شاف الصور والضغط طلع ليه... قربات منو براءة كتهدنو باش يتحكم فراسو....
نطق الجد عكازو مغروس في الأرض....
الجد: نتي راك طيرتيها في ظهرنا ودرتي يدك في يد عدونا... نتي راك غلطتي بزاف....
سكت شوية وكمل كلامو كيضرب بالعكاز في الأرض...
الجد: شرفنا مرمدتيه في الأرض يا خسارة تربيتنا فيك خسارة الأيام لي ضيعناها عليك.....
نزلوا دموعها بغزارة وهي كتشوف فعينيهم نظرات عتاب....شاف فباها لي الفرحة كانت باينة فعينيها رجع مكسور بسببها وعينيه كترمقها بنظرات إحتقار وعتاب....
فحين نطق الجد...
الجد: من اليوم مانتي بنتنا ماحنا عائلتك... بلاصتك حدى راجلك إلا قبل عليك.....
انساحبوا من أمامها مخلينها طايحة فالأرض كتبكي بحرقة...كانت غير براءة لي مزال مامشات... قربات منها وتحنات على ركابيها... ناطقة بخفوت...
براءة: شعور صعيب ياك...
شافت فيها أمال معلية حاجبها مخنزرة...وبراءة كملات...
براءة: حتى ماما وهاد العائلة قبل قالت ليا نفس الكلام...
ابتسمت في وجها...
براءة: ولكن ها أنا اليوم قدامك وسط هاد العائلة وبالعكس فرحانين بيا... ماخص حتى حاجة تهزمك... غير مسحي دموعك او وقفي وطلبي السماحة من عائلتك وشرحيلهم مشكلتك أكيد غايتفهموك المهم ماتبقايش ساكتة وكتبكي... ماتخلي حتى حد يغلبك... وقفي....
انسحبت براءة مخلياها كتفكر في كلامها...والدموع كتساقط من عويناتها....بلعات ريقها أو وقفات عازمة على شنو غادير....
أمام المكتب كانت واقفة كترجف وعينيها ملطخين بالكحل...دقات جوج دقات ودخلات للداخل....كان عاطيها جدها بظهرو وغير حس بيها هي لي دخلات نطق بقسوة....
الجد: أشنو بغيتي؟ مزال مامشيتي بحالك... راجلك غايكون كيتسناك تجيبي الخبار باش يتشفى وينعت فينا....
قربات منو أكثر خاطفة يديه باغة تقبلها لكن سرعان مابعدها وكيحاول مايضعفش أمام دموعها...
أمال: الله يخليك أجدي شوف من حالي وسمعني بعدا خليني نشرحليك راه والله مالخاطري كنت مجبرة... اش عند بنت ضعيفة بحالي مادير قدام وحش بحال هداك...
الجد: كفاش ؟!
أمال: ثيق بيا أجدي كنت مجبرة نتزوج بيه هو راه هددني... اما مسألة التصاور (بلعات ريقها) راه ماشي كيف كيباليك ماشي برضايا....
الجد: ولايني هداك واحد مكيسواش غادي ندموا....
بغا يمشي حتى وقفاتوا مرمية في حضنو... وهو طلع يديه كيمسح على شعرها القصير.... حمدات الله فسرخا وتبسمات فور ماتذكرات براءة وكلامها المحفز......
#يتبع.....
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
