🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الخامس والأربعون🌟
تسللات أشعة الشمس لداخل غرفتها كتلامس ملامحها البريئة وكذاعبها بحنان مسخنة وجها المنور...... حلات عويناتها بصعوبة مستقبلة يوم جديد..... وقفات كتمشا حفيانة كيف العادة كتخطي بتباث خايفة تدخل فشي حاجة...... وصلات للحمام وجهزات نفسها بهدوء كتبتاسم مع نفسها......
بقات محتارة واش تجمع شعرها ولا تخليه مطلوق كيف العادة.... ضحكات بدلال ونفسيتها متحسنة....نطقات بنعومة....
فتون: من الأحسن نطلقو كنكون مرتاحة أكثر.....
لبسات سندالة في رجيلاتها البيضين ونزلات للأسفل ماباغاش تعطل على الموعد ديالها وتخليه كيتسنى فيها......مابغاتوش ياخد عليها نظرة ديال أنها غير نشيطة ولا مكاتحتارمش مواعيدها......
وقفات أمام باب الڤيلا غير دارية ضنو واقع حولها.... حدها باب الڤيلا ماتعرفش فين تمشي ولا تجي.... كتسناه يجي عندها....ارتجفت فجأة وتوقفوا أنفاسها وهي كتحس بملمس شفايفو على خدها......وأذانها كيلتاقطوا نبرة صوتو الباحة....
آرسلان: صباح الخير كتباني زوينة اليوم.....
حدرات عويناتها مخبية ماقادراش تتنفس براحة... وختارت السكات كطريقة تهرب من تأثيرو عليها....
لعب عليه الوسواس والتفكير وأكيد الشك كذلك.... علاش ماجاوباتوش وكتهرب منو بهاد الطريقة... فكل مرة كيتكلم معها كتسكت وتنزل وجها كانها ماباغة تشاركوا فحتى حاجة......
شابك يديه مع يديها....تيبسات مصمرة مكانها والسخونية طلعات ليها.... كيدوروا فعقلها أفكار كثيرة.... عينيها الزرقين موسعين بشكل مرعب.... مدهوشة تماما من قربو ليها.....!
تحرك جارها جنبو بإتجاه السيارة.... أما هي عقلها مرفوع واخدة الموقف بحساسية زايدة.... متفاجأة من أسلوبو الجديد معها.... ركبها وقرب منها كيركب ليها السمطة في قرب غريب بيناتهم....... بعد منها وحرك السيارة ويديه رجعوا مسكوا يديداتها......
رفعات يديها لفمها المفتوح بصدمة مصعوقة من شنو كيوقع..... وخدودها حماروا بخجل..... جامعة حروفها المبعثرة كتحاول تخرج جملة مفيدة لكن لسانها تجمد.......
شاف فيها آرسلان بإبتسامة جانبية...... ونطق ناقدها....
آرسلان: فاش تكوني مع حبيبك خودي راحتك أفاتنة آرسلان الحشمة والخوف والتوتر خليهم موراك أوكي....!!!
رفعات رموشها ونطقات بارتجاف كتفكر فلقبها الجديد كيف خرج من فمو برجولة.....
فتون: أنا مامولفاش على هادشي.... بصراحة أول مرة نعيش بحال هاد التجربة....
تنهدات بعمق وكملات كلامها....
فتون: أول مرة نحس بلي شي واحد مهتم بيا......
تبسم جنب من نبرة صوتها الجميلة وطلع يديها مقبلها بحنان ناطق....
آرسلان: من دبا الفوق خص نكون غير أنا فحياتك وغانهتم بيك كثر من أي واحد وهادشي لي بيناتنا غاتفهميه مع الوقت....
رما عينو ليديها الفارغة من الخاتم دالخطوبة وهو يكشر....
آرسلان: فين خاتمك أفتون....
حركات عينيها بإحباط ورددات...
فتون: نسيتو يمكن ف......
قاطعها ناطق بنبرة مرتفعة وحادة في نفس الوقت.....
آرسلان: ماتقوليليش نسيتي أفتون....خصك ديما تبقاي مفكرة ديما يكون فيديك ممنوع تحيديه مفهوم هداك هو لي غايبقا رابطك بيا حياتك كاملة مانبغيكش تحيديه باش مانتقلقش من حبيبي وخا.....
نطقات بخفوت...
فتون: وخا سمحليا......
دور راسو للزاجة وابتسم بهدوء كيخمم في الخطوات الجاية.....
#يتبع.........آراؤكم وتوقعاتكم للأجزاء الجاية نبغي تفاعل مطرطق.... خلي رأيك وخبطي لايك وديري إشهار احبيبتي...... تهلاي موعدنا بعد غدا.... ❤️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
