🌸فـــــي🌸الـــــجـــــردة.....👑 يسرى: أصلا عادي حتى الفراند ديالي كيبوسني فحنكي....
كلامها غير من مزاجو بسرعة.....غمض عينيه بقوة.... نزلات عينيها ليديه لي كان جامعها على شكل قبضة.....ورجعاتها لعينيه الحمرين بحال الجمر ونطق بصوت مرتفع.... أيوب: شناهوا عاودي اش قلتي دبا؟
ميل راسو جنب زعما باغي يسمع منها..... وهي نطقات عادي ماخايفاش منو.... يسرى: واش مكتسمعش قلت ليك حتى الفراند ديالي كيبوسني....!!
ماحسات غير بأصابعو تغرسو فجدر شعرها.... خلاها تنين بألم وتوضع يديها الصغار على يديه كتحاول تفك من قبضة يديه.... نطق صاعر عليها ومغزز على سنانو البيضين.... أيوب: أنا الق*بة مك ترضيني دمدومة وتخلي الزوا*مل يتلمسوا فيك دوي يا الق*بة دايراني في الإحتياط ماعمرتلكش العين....
أيوب قابل وجهو مع وجها وتكلم بغضب والشرار كيخرج من عينيه وجهو حمر بالأعصاب وذاتو كترجف عليه.... أيوب: إلا كانوا والديك مارباوكش مزيان أنا نعاود لمك التربية...
هز يدو باغي يجمع معها ولكن تراجع فأخر لحظة كيلعن الشيطان.... بدات كتبكي بطفولية وببراءة زايدة كتحاول تفك منو.... يسرى: واطلااااق أزمر طلق مني ضريتيني (هزات راسها فيه كتغوت) شكون نت باش تدير معيا هكا و تدخل فحياتي.... بابا وماما مكيتحكموش فيا ونت شكوووووون هااا شكوون باش تدخل فيا......
بعصبية تكلم باغي يخلط ليها الملامح ديال وجها... أيوب: انا لي غان*وي مك إلا ماشديتيش مع مي الطريق..... مزال ماتزادت هاد بنت الق*بة لي تلعب عليا......
بدات كتبكي حاسة بالإحراج والبريستيج ديالها مسح بيه الأرض هاد الحيوان كيف سماتو.....حسات بالجلدة ديال شعرها طارت اما شعرها لي فرحانة بيه ولي كتقيل تعتني بيه و تقاد فيه شكات واش طار حتى هو...... قررات تستعمل سلاحها الأنثوي الجريئ......وخا مايستاهلوش بعد هاد التصرف لي دار....
وقفات كتنخصص وتبكي بقا فيها الحال بزاف...وماتقبلاتش هاد التصرف منو..... شافتها براءة لي جالسة فالصالة هكاك وطارت عندها كتجري مدخلاها للحمام....
براءة: اويلي مالك على هاد الحالة... شعرك واقف ومخبل ؟
بدات كتقاد فيه ودموعها كيسيلو بغزارة..... يسرى: داك ال*امل ديال خوك هو لي دار فيا هكا....
طارت عليها براءة واضعة يديها على فمها مصدومة من الكلمة لي نطقات بيها.... براءة: شوووت حشومة تقولي هاد الكلمة راها خايبة.... يسرى: وراه خوك لي قالها.... براءة: إوا خويا مولف ينطق بهاد الكلام ونتي جابك ليه....اجي بلاتي علاش نتفك ؟ يسرى: مافهمتش اختي كنا جالسين حتى تلاح عليا ناتفني... مادرتلو والو هئ هئ.... براءة: صافي صافي ماتبكيش الله يعطيه ضربة.. مسخوط الوالدين... يسرى: هئ هئ قلتلو الفراند ديالي باسني ودار فيا هاد الحالة....مادرتلو حتى حاجة خايبة هنن... براءة: ناري المسخوطة زبلتيها حمدي الله منين مافوتش فيك شي الدقة هرسلك بيها ظهرك.... مهم غسلي وجهك وأجي تعشاي وانا دبا نتفاهم مع داك الكيدار....
خرجوا البنات بإتجاه سفرة العشاء....بداو كياكلوا بهدوء...وأعين براءة على عثمان وفتون غير كتحرك الفرشيط بلاما تحط ففمها حتى دغمة.... اصلا الشهية مشاتلها.... كانت غافلة على أعين حادة كتشوف فيها ولي كان صاحبها آرسلان... نطق عثمان مخاطب مرات خوه.... عثمان: خويا جبار طول الغيبة هاد المرة... نصيرة: راك عارف الخدمة مكاتساليش.... عثمان: امتى غايرجع؟ نصيرة: غدا إن شاء الله على ما قال... وغاتجي معاه على خالتي جيدان.... يسرى تكلمات بخوف... يسرى: حتى جدة غادي تجي واش متأكدة أماما...
وسعات براءة عينيها غير تذكرات سمية جيدان... عارفاها قاصحة وصعيبة وعلاقتها معها معقدة شوية..... خاصة أنها مرأة كتهتم بالمظاهر والفلوس.... متكبرة بزاف وكلمتها هي لي تكون.... عايشة في فرنسا لمدة طويلة وقليل فين كتجي تزورهم وزيارتها كتطول بزاف.... قالت فنفسها "الله ياربي على عگوزة عندي.. مامقادة من حتى جهة".... نصيرة: حشومة أبنتي.... يلاه كولي بالسكات....
كملوا عشاهم بهدوء ومن بعد جا وقت كلها يمشي لدارو.... عثمان اقترح يوصل لالة مليكة وبراءة....أما البقية طلعوا كل واحد لغرفتو....
دازت ديك الليلة في هدوء.......
يتـ____ـبع... بقلم: رباب نجمة☆❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
