🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثمانون🌟
جا الصباح حامل العديد من المفاجآت اللي ممكن تسبب فرحة لا توصف للبعض وممكن تسبب للبعض الأخر صدمة عمرها تنسى.
في الصالة كان واقف الحاج مصدوم من شي لي كيشوف قدامو كفاش ولدو عثمان بقامتو ونضجو شاد لبنت صغيرة صغر من بنتو فيديها وكيشوف فيه بنظرة تحدي.
وكأنه ولا هامو الموقف لي حاط راسو فيه...أسئلة كثيرة طاحت في راسو... وكفاش غايفسر هادشي للناس....
نطق بعد تردد كبير والصدمة غبرات ملامحو...
الجد: ولدي شنو هادشي كتشوف عيني علاش شاد لبراءة فيديها بهاد الطريقة......
بلا الصدمة لي على وجه لالة مليكة لي ماعرفات راسها باش تبلات ولا شنو غايوقع في هاد المسرحية... تمنات الأرض تبلعها ولا هاد التبهديلة لي دارت بنتها فراسها.....
عينين الكل كانوا على براءة وعثمان هي لي كانت كتبان حداه بحال شي بنت صغيرة خاصة وأنه طويل وعريض وحتى سنها مامساعدهاش باش تبان أكثر نضوجاً....
كتشوف فيهم بدون خوف ولا إرتباك بالعكس نظراتها كانت كلها ثقة مركزاهم على مدام جيدان و سكينة لي حتى هما تصدموا اضعاف حيت خطتهم فشلات والفضيحة هي لي بغاتها....
زيرات على يديه فحين هو نطق...
عثمان: أنا كنبغيها....
ضحك الحاج بعدم فهم قريب يتشلل من شي لي كيسمع وكيشوف ولدو بدا كيخرف....
تكا على عكازو حتى بغا يطيح لولا مدام جيدان و جبار لي شدو فيه.... التقط انفاسوا من جديد ونطق بإبتسامة....
الجد: شكاتقول اولدي شكون هادي لي كتبغيها واش تسطيتي....
ضغط عثمان على حروف كلامو رافض يتراجع والإصرار كان شاعل فتايل فقلبو....
عثمان: كنبغي براءة وهي كتبغيني ومكنظنش بلي حرام إلا تزوجنا......
الخبر وقع على مسامعهم بحال الصاعقة.... وسع الحاج عينيه مامصدقش هاد المهزلة لي واقعة.... قرب عندو بعكازو لي كيصدر صوت مزعج مع كل خطوة كيخطيها نحو عثمان....
وفي لحظة كان الكل واضع يديه على فمو من هول الصدمة... مامتيقش عثمان التصرفيقة لي كلا من عند الحاج....
لهاد الدرجة مكتهموش سعادتو قد ماكيهمو كلام الناس فين العيب لاكان كيبغي وحدة صغيرة عليه وهي كذلك وفية في حبها ليه.....
#يتبع...... بأنامل: رباب نجمة 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
