🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء التاسع والخمسون🌟
تبسمات في وجوه الكل رغم أنها مكتشوف حتى واحد فيهم من غير الظلام وتمشات شادة فيديه....كتمشى على مهلها خايفة لاطيح.... هو لي كان راد معها البال ومتبع خطواتها بدقة..... وعينيه على وجها لي مخبي بديك الطرحة إلا أنه قدر يلمح حنيكاتها الحمرين بالخجل.... وأكيد يديها لي كيرجفوا بين يديه قدر يفهم من خلالهم أنها متوترة وحشمانة.........
دخلوا من باب القاعة وكل واحد توجه لمكانو.....العائلة جلسات في المقاعد الأمامية دايرين على طاولة الأكل والناس في المقاعد الخلفية..... أما العرسان توجهوا للبرزة......
بقاو جالسين حدا بعضياتهم وهو عينيه غير عليها مامسوق لحتى واخد وكانت فرصة ذهبية للصحافة باش ياخدوا ليهم صورة رومانسية مربحة.....
شطحوا الناس وتصوروا حتى عياو.... والنگافات ماخلاوش من جهدهم بالزغاريت والصلاة والسلام على نبي الله.....
وصل الوقت باش يجي العدول ويتكاتبوا على سنة الله ورسوله..... جلس العدول في جنبهم على الكرسي وجاو الشهود جلسوا حداهم....وبدا كيطرح عليهم أسئلة إعتيادية عند كل عدول..... ضرورية باش يتأكدو من رغبتهم بجوج في الزواج......
وقع و تبعاتو موقعة بدون تردد والرجفة ماخلاتهاش توقع في راحتها..... فاش كملات شد يديها وقبلها بكل حب.... وبدا الطبل والغيطة من جديد.... هز الطرحة وقبلها في جبهتها قبلة كتعبر على أنها ولات من نصيبو وكتعلنهم زوج وزوجة......
جابوا ليهم الحليب والثمر باش يشربوه لبعضياتهم..... جا المصور وبداو كيتصوروا في وضعيات مختلفة....
طلعوا في العمرية وبدات الموسيقى من جديد......بدات كتشير بيديها.....فرحانة!! خايفة ومتوترة وحشمانة..... خاصة وأنها مكتشوف والو...... صبرها كبير.....💎 نزلات وجلسات في مكانها بجنبو.... بعدما غيرات اللبسة... ولبسات غوب زوينة جات معها زوينة.... معرية من الكتاف ومبينة الجزء العلوي من صدرها المتوسط والمرفوع....
تصوروا من جديد تحت أنغام موسيقى هادئة ورومانسية.... في وضعيات حميمية باش يتجرأ ويقبلها في خدها جنب فمها بكل جرأة وبلاما يعير أي إهتمام للحضور.... هاد الساعة كتهمو غير هي أما الباقي گاع مامسوق ليه....
في هاد الأثناء كانت براءة واقفة مقابلة معاه وكتذكر شنو وقع فديك الليلة لي كانت أخر ليلة تشوفوا فيها.....
☀️فــلاش_بــاك💥
بعدما خدات الإذن من عند مها نزلات معاه وركبوا متاجهين للأوطيل.... ماهي غير بضع دقائق حتى كانوا في الجناح.....
جلسات على السرير مهبطة راسها وهو واقف عليها كيشوف فيها ينظرات حادة... نطق بحدة....
عثمان: علاش تكذبي عليا أبراءة.....
بلعات ريقها ناطقة بخفوت....
براءة: كانت خطة ناجحة وقدرتي تعتارف بلي....(هزات راسها فيه وعضات على شفايفها بعفوية) كتبغيني.....
نطق بحروف رجولية واضع يديه من ورا ظهرو....
عثمان: كان ضروري من هاد الكذبة باش تخليني نعتارف.... واش هذا هو الحل فنظرك.... براءة مزال مابغيتي تستعقلي شوية.....
وقفات بسرعة كتشوف فيه ومباشرة فعينيه......
براءة: أه كان ضروري من هاد الكذبة.... ولو ماصدقش هاد الحل كنت غانقلب على حلول أخرى وعمرني غانمل.....
#يتبع....
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
