🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الحادي والتسعون🌟
سرعان ما غمضات عينيها كتنفس بقوة كأنها في سباق.....مدات ليها الممرضة الماء باش تشرب.... جغمات منو ورجع تكلم الطبيب....
الطبيب: علاش غمضتي عينيك....
بلعات ريقها ونطقات بارتباك....
فتون: حسيت بالضو قوي....
ضحك الطبيب وتكلم....
الطبيب: هادشي كيعني حاجة وحدى ان العملية نجحات مبروك عليك أبنتي......
ضحك آرسلان وباش يديها فرحان أما هي ابتسمات والفرحة ظاهرة عليها.....
الطبيب: حاولي من جديد تحلي عينيك.... ماتخافيش أبنتي....
بدات كتحاول تحل عينيها كانت الصورة ماواضحاش ومضببة لكن شوية بالشوية قدرات تشوف لأول مرة.... كان أمامها وجهو آرسلان.... عليه حلات عينيها وبحبو قدر يضوي ظلامها...... شكون عرف يمكن ديك القبلة قواتها وعطاتها أمل باش ترجع تشوف من جديد.....
ابتسمت فرحانة ونقزات عليه معنقاه وكتنطق بحماس....
فتون: أنا كنشوف أنا شفت وجهك أ آرسلان ههه.....
💙بالعودة_للمغرب💙
كانت واقفة امام النافذة كتأمل فالمناظر الطبيعية لي فالخارج.... وهاد العادة ولات فيها من الوقت لي جات فيه لهاد الڤيلا وسمحات فلي وراها.....
حسات بيه حط يديه على كتفها وقبلها في خدها ناطق بهدوء....
عثمان: الغزالة ديالي فايقة بكري....
رفعات راسها فيه وحركاتو بالإيجاب ونطقات....
براءة: أه متعودة...
شافت فيه من تحت رموشها ونطقات بتوتر....
براءة: عثمان إمتى غانكتبوا الكتاب....؟
جلس امامها ونطق بإبتسامة عذبة كيمرر يديه على بشرتها ونعومتها خلات رعشة طفيفة تسرى فجسمو.....
عثمان: أنا مستعد من دبا اصلا مابقيتش قادر نصبر عليك كثر.....
تبسمات بدلال ونطقات....
براءة: بعد غدا أش باليك غاتكون حتى فتون. نت عارف كلشي ضد هاد الزواج من غيرها هي.....
ضمها عندو ونطق بخفوت....
عثمان: كلشي غايتصلح أ أميرتي ماديريش فبالك.....
#يتبع....... أراؤكم وتوقعاتكم وماتنساوش طاكيو صحاباتكم وتديروا إشهار بغيت القصة توصل لبزاف دالبنات 🌸🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
