كانت العائلة كاملة مجموعة فالصالة الكبيرة....الصمت هو سيد الموقف شي مكايكلم شي... كينتاظروا على أحر من الجمر قدوم فتون بطلب من آرسلان لي مانْوا يكلمهوم في الموضوع إلا بحضورها.....
دخلات عليهم للصالة وبهدوء نطقات.... فتون: السلام عليكم... -رد عليها الكل.. ~وعليكم السلام......
ابتاسمات مدام جيدان ابتسامة واسعة وعريضة ويديها حطاتها على يدين فتون...ناطقة بطيبة... جيدان: تبارك الله على بنت ولدي الغزالة وجهك منور من الشوفة يعرفوك عروسة.... !!
فتون علات راسها بدهشة وبملامح مبهمة مافاهماش هاد المدح من جهة جداتها لي مكتجمعهاش بيها علاقة قوية وعمرها حسات بحنانها ولا قربها.... ضحكات فوق خاطرها وبالسيف عليها بلا ماتجاوبها....
سحبات يديها الرقيقة من بين يدين لالة جيدان وكحزات من حداها عاطاها التيساع.... حادرة راسها ماعندها ماتقول وسطهم....
نطقات آمال بنت سي عثمان معوجة فمها وكتنفخ نفس قوية....كترمق براءة بنظرات حقودة... آمال: ياك هذا اجتماع عائلي اش دخل البراني بيناتنا...!!
براءة ميلات فمها بقنوط مافيها لي يتصادع معها فحين نطق سي عثمان بحدة مخلي براءة تبتاسم فوجهو بلا ماتحس.... عثمان: آمال قطعي حسك... (شاف فآرسلان مكمل كلامو) ياك لاباس أ ولدي علاش جمعتينا اليوم؟
نطق الحاج جبار بهدوء... جبار: شنو الموضوع المهم لي بغيتينا فيه؟
شاف آرسلان ناحية فتون لي مخبية وجها بشعرها الناعم..... كتبان بريئة ودافية ونطق بلاما يفكر جوج مرات.... آرسلان: بغيت نتزوج....!
شافوا فيه بإبتسامة حتى رجع كمل كلامو صادمهم كاملين... آرسلان: فتون هي البنت لي ختاريت....
زاح نظرو من عليها هي لي هزات راسها موسعة عينيها بصدمة من الكلام لي سمعات....وقع عليها بحال الصاعقة....على أشمن زواج كيدوي!!.... جا فبالها غير عمران وكيف غاتكون ردة فعلو.... شاف آرسلان فالحاج لي جالس بحال الملك واضع رجل فوق رجل كيشوف فيه بحدة........وقف الحاج قارن حواجبو ونطق فوجهو.... الحاج جبار: على اشمن زواج كتدوي عليه؟ ياك نت مزوج ببنت الخالقي ؟
وقف عمران وجهو حمر وعينيه دامعين،كيشوف ففتون بخيبة كرز على يديه بعصبية وتكلم.... عمران: نت شنو كيحسابليك راسك...... (تقدم عندو أكثر موجه كلامو بالغوات) لي شفتيها ديالك!! باغي تملك الدنيا ؟؟
