🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثاني والخمسون🌟
💫أصبحنا وأصبح الملك لله والحمد لله💫
حلات عينيها بصعوبة مستقبلة الظلام كيف العادة....حكات عينيها بطفولية وتمشات ناحية الحمام......ماكانت غير نصف ساعة حتى خرجات بإطلالة مختلفة على سابقاتها..... صاية فالأسود مبينة خصرها النحيل وفخاضها بارزين بشكل جذاب.... وخاشية فيها تيشيرت فالأبيض......
طلقات شعرها على طول ظهرها أو وضعات مايكاب مكون من حمرة شفاه و كذلك العكار الفاسي دارت منو على حنيكاتها كان هادئ وزوين برز ملامحها الطفولية....
تمشات للأسفل كتقرقب بكعبها العالي......وصلات لحدى السفرة العائلية ونطقات بلاما تعرف شكون موجود.....
فتون: صباحكم مبارك....
ماتوقعاتش أبدا ردو....كان صوتو هداك لي دخل مسامعها وخلاها توتر كيف ديما....
آرسلان: صباح الخير حبيبتي......
نطقات جيدان وعينيها مركزين على فتون....
جيدان: صابحة منورة أبنتي.......
جلسات فتون فمكانها وبدات كتفرك فيديها من شدة التوتر كأنها ماشي فوسط عائلتها....نطقات لالة نصيرة بهدوء مفيقاها من سهوتها....
نصيرة: فطري أفتون......
هزات راسها بالإيجاب وخدات الكاس من يدين ماماها كتشرب العصير..... كلات مزيان وخا كانت حاسة بشي نظرات مختارقينها وأكيد ماشكاتش فصاحبهم في أنه يكون هو نفسو آرسلان......
سالات فطورها وخرجات للجردة مع المساعدة ديالها كتمشى بين الشجر وكتبدل الجو الكئيب لي كانت عايشاتو هاد الأيام......
نطقات منى المساعدة لي كانت خلف فتون......
منى: علاش كنتي كتأجلي تشوفيني واش مابقيتيش باغا تعتامديني فيومياتك.....؟
ردات عليها فتون بخفوت....
فتون: فكرت فيها لكن مانجحتش..... فراسك مليت أمنى من هاد الحالة......
سكتاتها منى ونطقات بانزعاج.....
منى: شوووت سكتي واش بغيتي تعصبيني ثاني يكفي لي فيا.......
نطقات فتون وإبتسامة عذبة تسللات لشفايفها.....
فتون: ههه سمحيلي أمادموزيل دبا وليتي نتي لي عمياء ماشي أنا.....
ضحكات منى ونطقات....
منى: مزيان مني ضحكتي...
🌻في__دار__براءة🌻
كانت جالسة فوق السرير لابسة فستان زهري وطالقة شعرها بإهمال......شادة بين يديها الهاتف وقلبها كيضرب كتسناه إمتى يصوني عليها.......
ماكانت غير دقائق حتى سمعات صوت سيارة دخلات للدرب وقفات كتعافر مع جلايل داك الفستان الطويل..... وخصلات شعرها طيرهم الريح فور ماحلات السرجم كطل...... وسعات عينيها بدهشة فاش لمحاتو نازل من السيارة بلبسة سوداء أنيقة.......
حيد نظاراتوا وشاف في ساعتو بجمود.... وسعات عينيها بإعجاب.... ونطقات معنقة هاتفها......
براءة: غادي تحمقني....كلشي فيك كيحرك مشاعري ناحيتك...
تساءلات داخلها على سبب زيارتو في الوقت لي قالتليه بلي عندها العقد واش زعما جا باش يمنع هاد الخطبة....وإلا ٧رفها كتكذب أش غايدير معها واش غايتراجع على قرار يتزوج بيها.....
#يتبع......❤🌻
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
