🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثاني والسبعون🌟
في الصالة كان الكل مصدوم من حفيدهم الصغير وأش خرج منو... إلا أن الجد كان اقل صدمة حيت كان على علم بانه باع الأسهم لعدوهم ولكن هو كانت عندو مخططات أخرى... حيت الخدمة مع الأعداء كتجني ربح كبير عكس الخدمة مع الحلفاء...
ولكن ماتخيلش ان عمران عندو ميول سياسي... بالخصوص انه من النوع الطائش ماشي الجدي... حياتو ضجة عارمة من التفاهات لكن التغيير لي طرأ فيه عجبو بزاف حيت باغي عائلته يكون عندها إنتماء سياسي....
رغم انه صدمو حيت آرسلان هو لي باغي يترشح لهاد المنصب وماعندوش شك بلي حفيدو الأكبر هو لي غايربح حيت عندو تجربة وشعبية كبيرة بالإضافة إلى انه ذكي وكيعرف يحارب اي شخص وقف فطريق أحلامو.... ويا خوفو على الأخوة لي كتجمع بين هاد الجوج....لي غاتهدم بسبب مرأة مافاهمة والو في هاد اللعبة.....
دخل آرسلان لغرفتو ماسك بيديها هي لي كانت كتعثر في كل خطوة كتخطيها... نسا بلي هي غير مبصرة... دمعات عينيها غير تسد الباب ديال الغرفة...
زير على قبضة يديه ماراضيش كفاش خوه ستعمل ضدو سلاح العدو.....رجع شعرو للوراء وعينيه حمرين بحال الجمر.... عاد شاف دميعاتها لي نازلين بحال قطرات الندى اللامعة....
تنهد بعمق كيحاول يسيطر على أعصابوا وقرب منها كيستنشق عبيرها لي سرعان ماتعود عليه.... على وجها ويديه كيدوزهوم على خدودها بحرية....علات عينيها بالشوية وبتلقائية....
دخل ريح مجهد من الشرفة كيداعب وجهو ذو الملامح الجامدة.... وكيراقص خصلات شعرها البنية...
نطق بهدوء وكأنه خايف من الإجابة....
آرسلان: علاش كتبكي؟ واش مزال كتبغيه....!
وسعات عينيها مصدومة من سؤالو والدموع كيتساقطوا بغزارة....لحظة صمت...!! عاد نطقات كاسرة داك الصمت....
فتون: انا على ذمتك وكتسولني هاد السؤال!! وخا نعرف نقتل راسي ولا نبغي راجل أخر وأنا مرأة مزوجة.....
وقفات مبعدة منو وعينيها لامعين بالدموع ورحعات نطقات....
فتون: نت كتهيني بهاد السؤال...ماشي فمحلو أبدا....
خرجات من الغرفة خلاتو غير مصدوم من ردة فعلها...كأن الليلة حالفة ماتمر حتى تصدم الجميع....ندم لي سولها زدح يديه مع الحائط حتى نزفات....
آرسلان: آععع....علاش!!
في الصالة كان الكل موجه نظروا ليه...لداك الشخص الغريب لي واقف بجمود وصرامة... ابتسم بهدوء ونطق...
ناصر: أشنو ؟ واش مغاترحبوش بيا....
ماتسناش ثانية حتى رجع نطق...وهو كيشوف فساعتو....
ناصر: نخليو مسألة الترحيب لمن بعد دبا خصني نمشي نشوفكم في الشركة....
شاف في أمال وضربليها غمزة مثيرة حتى تلبكات من جديد....
خرج من الصالة لابس قناع الجمود... يلاه بغا يخطي خطوة بإتجاه الباب حتى........!!
#يتبع..... بأنامل: رباب نجمة🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
