🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السادس والخمسون🌟
وسع فوهة فمو بصدمة.....مامتيقش كلامها الجريئ ونطق بجدية.....
أيوب: برهنيلي......
جمدات فمكانها فحين هو كمل مركز الشوفة فعينيها.....
أيوب: والليلة أيسرى.....
سرطات ريقها بتوتر غير ملحوظ وقلبها دقاتو مامنتاضمينش....ماعرفاتش علاش تخلعات ولكن ماشي هكا بغات تلعب عليه هي فاش ذكراتليه النعاس ماقصداتش بلي بصح غاتنعس معاه.... كانت باغا غير تربح ثقتو وتخليه يصدق انها كتبغيه..... هي مايمكنش تبغيه غير بغات ترد ليه الصرف......بللات شفتيها ونطقات بثقة.....
يسرى: موافقة.....
🔥في__جناح__فندق__العمران__🔥
كان متكيها على السرير وجسمها مفرش قدامو بحال شي كعكة لذيذة منين ما ذقتيها غاتجيك حلوة.....طول فيها الشوفة مشبك يديه مع يديها الصغار وشعرها الأسود مسح من موراها.... ونطق بهدوء......
أيوب: واش كتبغيني؟
طولات فيه الشوفة كأنها كتفكر فشي طريقة ديال الجواب تكون أكثر إقناع..... عاد نطقات بالهمس...
يسرى: كنتسطا عليك.....(طلعات بيديها للحيتو) وعلى هاد اللحية الكثيفة...... (مدات يديها لقاميجتو كتحل صدايفها وكملات بكلامها) وعلى هاد الصدر العريض..... (عضات على شفايفها متعمدة تلعب على أوتاروا الحساسة باش تغريه) وباغا نزيد نتسطا على لي فبالي وبالك.......
ركزات عينيها فبؤبؤ عينيه مطولة الشوفة مخبية إحساس الإشمئزاز من الموقف لي هي فيه..... ولكن شي حاجة فقلبها كانت متافقة مع عقلها باش تكمل في هادشي وحتى الوتر الحساس كان محركها ومخليها ترتاح وهي بين يديه......
ابتاسم كيشوف فشفايفها..... شوية نزل بوجهو حتى لوذنيها ونطق بهمس....
أيوب: ماقنعتينيش...
وسعات عينيها بدهشة والإحمرار كتاسح خدودها المرفوعة حتى حسات بيه هزها جلس وهزها وسط رجليه معنقها ومزير عليها فوسط حضنو...
خفات من جديد توترها ونطقات زاعمة عليه كثر ومدورة يديها على عنقو واصابعها كيلعبوا عليه بحركات دائرية....
يسرى: إذن نت مكاتبغينيش...!!
رفع حاجبو الأيسر بعدم فهم.... أما يسرى كملات كلامها مع إبتسامة ساخرة....
يسرى: لو كنتي بصح كتبغيني ومعتابرني حبيبتك وكلشي فحياتك... كنتي غاتيقني مهما قلتليك حيت لي كيبغي كيثيق فكلام حبيبو.....
رفعات حاجبها بنصر كتنتاظر ردو هو لي كان معنقها وساكت كيسمع ليها...كلامها لي حسسو بحال إلا باغية تقلب عليه اللعب.... حاس بشي حاجة غريبة..... بحال إلا داك الحب لي عتارفات بيه غير دبا كامل كذوب.... ومن جهة أخرى حاس بلي كتبغيه وهاد الإعتراف دارت مجهود كبير باش توريه ليه......
رخات من عنقو مرجعة راسها للوراء حتى تقابلوا عينيهم كيشوفوا فبعضياتهم وتايهين في بحور من الغموض....حتى نطقات مخرجاه من داك الاسئلة الكثيرة لي كدور فبالو دبا...
يسرى: واش إلا نعست معك غادي تمشي وتخليني... واش غاتخلى عليا فأول الطريق...
ضحكات بسخرية وهي مزالة جالسة على حجرو.... كتحاول دير شي حاجة باش ماتنعسش معاه وفنفس الوقت تربح ثقتو...
يسرى: معلوم هادشي لي غايوقع كاين لي غايبقا مع وحدة نعسات معاه.... اكيد غايقول كيفما نعسات معيا غاتديرها مع غيري... غانولي نبان رخيصة فعينيه وغير وحدة عاهرة مكتسواش باعت لحمها باش ترضي شهواتها.... وأنا شنو غايوقعلي فالأخير غانخسر راسي و غاتسالا بيا بوحدي.....
#يتبع....#يسرى
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
