🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثامن والسبعون🌟
وقفات أمال وغادرات الصالة والتوتر طاغي على ملامحها.....
حتى سمعات هاتفها كيصوني... رفعات الشاشة وبان إسمو المخيف "ناصر"....
انتظرات ثواني قليلة عاد فتحات الخط.....
في غرفة مظلمة يسودها السكون عبارة عن مكتب رخامي كتوسطوا بطاقة مكتوب عليها "نـاصـر"....وبجوار المكتب موجودة خزانة من زجاج معلق على واجهتها مجموعة من الصور، إلا دققنا النظر غادي نلقاو صور لأفراد عائلة التلمسي...
بدءا من صورة الجد نهاية بصورة جبار التلمسي و بنت خوه أمال لي واضع علامة عليها كانها الطعم والهدف هو دمار هاد العائلة....
جالس على حافة المكتب وكيراقب الصور وكيشرب من كأس ديال النبيذ الأحمر.... ارتشف من كاسو ونطق بصوتو الجوهري المخيف وعينيه على صورتها راسم إبتسامة شيطانية....
ناصر: كنقوليك ديما تجاوبيني دغيا....
إلتقطت صوتو بديك النبرة مخيفة ونطقات بارتجاف....
أمال: سمحليا....
ضحك على نبرتها الخائفة والمرتجفة لهاد الدرجة كتخاف منو وهو لي معيشها فأكاذيب الحب والغرام....خصها تكون كتيق فيه وكترتاح ليه ماشي العكس... وإلا عرفات نواياه أش كان وقع فيها...
نطق من جديد كيلعب بالكاس بين يديه وعلامات وجهو عكس كلماتو....
ناصر: توحشتك بزااف وتوحشت شفايفك لي بمذاق الشهد.....بغيت نشوفك....!!
وسعات عينيها مصدومة والدموع تحجروا في عينيها بدون شعور...حاسة وكأنها كتخون ثقة عائلتها وكتعيش شي حاجة محرمة....
مسحات دموعها بالزربة وتكلمات بقسوة...
أمال: انا ماشي الدمية ديالك ماتبقاش تعيط ليا....!!
رفع حاجبو بإعجاب محافظ على إبتسامتو...
ناصر: بحال إلا صوتك ترفع عليا لا....!!
بللات شفايفها بالعة ريقها وضغطات على نفسها كتقبل قمعو....
أمال: شنو بيناتنا باش تبقا تتاصل بيا فكل مرة واش باغي تخرج عليا...بعدني وخطيني عليك انا مغانصلاحش ليك... واش عند بالك انا حمارة مكنفهمش... بعد مني وإلا.....
قاطعها بحدة ضارب داك الكاس مع ديك الواجهة الزجاجية حتى تشخشخات وقطرات النبيذ كتساقط على صورتها وكأنها قطرات من الدماء..... قفزات من الصوت ديال التهراس ومن صوتو لي رعبها.....
ناصر: وإلا شنو ؟ هممم شنوو؟ غاتقوليها لباباك المحترم ولا لجدك ولا يمكن ليهم كاملين... غادي تقوليليهم تزوجت فالسر بعدوكم اللذوذ وكنت مجبورة من الفوق واش عند بالك غادي يتقبلوا الوضع ويجيو يضربوني وانتهى الأمر....لا ألغزالة ماشي بهاد السهولة..... نتي لي غاتكوني الضحية في النهاية ديري عقلك أ أمولتي واخر مرة صوتك يعلى على صوتي.....
#يتبع..... بأنامل: رباب نجمة 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
