الأمر زاد عن حدو والشخص لمساتو تماداو قرب منها باغي يبوسها ولكن هي كتحرك راسها هاربة منو.....ماحس غير بشي حد جرو من قرفادتو راضخو مع الأرض ولكمات قوية على وجهو خلاتو يتسرح فالأرض ودماياتو سايلة بقا كيتألم ...كان آرسلان كيضرب فيه بقوة....دمو سخون ومكره من شنو شاف.... ماقادرش يستحمل فكرة ان شخص اخر قدر يلمس ملاكو الطاهر.... قدر يستقوى على أنثى نقية وبريئة بحال فتون.... كفاش قدر هاد الوحش الممسوخ يقرب من الفاتنة ديالو..... هز وجهو حمر معصب لأقصى درجة حتى شاف غير يدو والريح فين مشات؟؟ خرج تابعها مخلي هداك منشور فالأرض وقطرات الدم ملطخة قميجتو البيضاء ويدو كتنزف كذلك..... متوعدلو بالجحيم...
هي كتجري وهو تابعها خايف عليها لا تضربها شي طموبيل حتى وصلات للكورنيش بغات تقطع ليه حتى سمعات صوت الكلاكسون وصوتو هو من بعيد كيغوت باسمها...غمضات عينيها مستقبلة إصطدامها بالسيارة حتى حسات بأيدي حنينة محاوطاها بقوة استنشقات عطرو الرجولي وهو قرب جبهتو لجبهتها كيشوف فوجها الأحمر بالبكا...قلبو كيتقطع عليها اما هي حاسة بحنانو وعصبيتو كذلك وأنفاسو السخونة لي كتلفح فوجها.... ماقدراتش تحبس راسها من انها ماتبكيش...بقات كتبكي بطفولية وببراءة مقهورة من الموقف لي عاشتو.... وبدون سابق إنذار تلاحت عليه معنقاه وهو كذلك ضمها لعندو مخبيها فحضنو.... بقا كيمسح على شعرها بحب....وتكلم... آرسلان: واش نتي بخير....
بقات فيه وماتحملش يشوف دموعها وكلما كيتفكر قرب داك الحيوان ليها كيزيد يشعل ويتعصب كثر..... شد وجها بين يديه ونطق بحب كبير... آرسلان: ماتبكيش أ فتون بحياتك غادي ندمو ونخليه يتمنى الموت ومايلقاهاش عارفك مقصحة وانا فاهمك هادشي ماساهلش ولكن ماتفقديش الأمل كلشي غايفوت خصك غير ثيقي فيا وتديري يدك فيديا...(بهمس) ماتبكيش دموعك غاليين ابنت الناس....
دمعات عينيها من جديد إثر كلامو حسات بلي كاين ذرع قوي يحميها وسند تقدر ثيق فيه....حسات براسها قوية على قبل... كاين شخص كيفهمها ويحس بيها.... آرسلان مستحيل كانت تتوقع منو هادشي... تصرفات جديدة وكلام غريب... هادشي لي كتعيش فشكل حاسة براسها كتحلم ولكن ماباغاش تفيق مدام هاد الحلم زوين....
آرسلان: دبا علاش كتبكي ياك دوينا زعما....
مسحات دموعها لي نازلين وابتاسمات فرحانة كأن شيئاً لم يكن شدات فيديه العراض ووضعاتها على قلبها........ فتون: توحشتك أ آرسلان.... علاش كنتي بعيد لهاد الدرجة.....
جملة قالتها غير مع راسها تمنات تقولها ليه ولكن ماتقدرش...
فتون: شكرا بزاف عطيتيني أمل... عمرني جربت إحساس أن شي حد فجنبي وكيفهمني...
ابتاسم لإبتسامتها وهو كيحس بقلبها كيضرب.... آرسلان: غادي نفهمك إلا عطيتيني فرصة نكون قريب منك... احم خلينا نمشيو.... مشا الحال ولا تبغي تبقاي معايا مزال.. ؟ فتون: لا بغيت نبقا معاك....
شدات فيديه بتملك وبملامح جدية تكلمات... فتون: مستحيل نخاف منك بعد لي جرا اليوم...نت نقذتيني من أسوء حاجة ممكن توقعلي....
حس بقلبو كيضرب بالجهد مامصدقش كلامها... هدا مدح قوي فحقو قوى من مدح الجرائد ليه....
تنبيه ⚠️ الأجزاء "التاسع عشر" و "العشرون" و"الحادي والعشرون" فيهم أحداث مهمة غاتغير مجرى القصة ⚠️❤ #يتـ___ـبع.. آراؤكم حبيباتي وتوقعاتكم... بليز فضلا وليس أمرا وعاونوني بالإشهارات باش نتحمس حتى أنا ونكتب أفضل من هكا.... بقلم: رباب نجمة☆❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
