هتفت أمال من بين سنانها البيضين وخيالها سارح لداك الوسيم لي تزوجها بالغصب..... أمال: أييه حلو سكر ولكن فعايلو بحال المرار....
فاقت يسرى على نفسها وشافت جهة أمال لي ساهية وهادي ماشي من عادتها...لا لي كتعرف عليها أنه فهاد المناسبات كتكون بحال اللفعة لي دور وترمي سمها.... يسرى: اش واقع لهادي ياكما لسانها تبرى منها وقطع راسو.....
شافت فيها أمال معلية حاجبها..... أمال: ياك لاباس احنينتي مالك ضارباني لكتفي.....
فتحت يسرى عينيها الجميلة وردت بصوتها الخافت.... يسرى: سمحيلينا أ أنسة غير بغينا نفيقوك من احلام اليقظة....شفتك ماشي على برجك اليوم ساعة صافي بايلي رجعتي لمودك دبا......
قفزوا بجوج كيرمشوا بإرتباك وتوتر إثر لالة نصيرة لي وقفات عليهم..... لالة نصيرة: مالكم جالسين هنا نوضوا تحركوا وحركولي دوك الخصور....
ناضت امال بدون حماس عكس يسرى لي مبتسمة وعاجبها الحال لفرح ختها الكبيرة....
كانت براءة ضايرة بالجنب وشادة من حنكها لي فور ما ظهرات عليه حمرة واضحة..... زير عثمان على قبضة يديه ماعاجبوش الحال واعصابوا على سبة...... نطق بحدة كارز على سنانو البيضين وحجبانوا مقرونين...... عثمان: شنو واقع هنا ؟
هزات براءة عينيها في عثمان هو لي شاف فيها كينتاظر منها جواب..... تحقنوا عينيها بالدموع...هنا فهم بلي مو هي لي ضرباتها بلا سبب......
زاد غوت بصوت عالي خلى مدام جيدان تقفز من نبرة صوتو بالخلعة..... عثمان: راني دوييت.....
نزلات براءة وجها بحزن وشهقاتها المتقطعة كيحرقوا قلبو..... فحين نطقات سكينة من وراه.... سكينة: عثمان اشنو واقع؟
صافي هنا كملات براءة داكشي لي بقا نيت..... نطق بصوت كيف الرعد.... عثمان: بأشمن حق تحطي عليها يديك... إلا براءة فهمتي إلا هي لي مانبغيقش تجبديها...براءة خط حمر لي تخطاه راه تخطاني أنا......
شاف فسكينة بنظرة خاطفة خلا قلبها يتهز بالخوف.... وجر براءة من يديها بالجهالة خارج من تما ومكمل الطريق لي بداتها براءة.....
#يتبع..... بأنامل: رباب نجمة 💓🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
