🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثالث والستون🌟
في يوم جديد معلن على صباحية العروس....وكيف ماجرات العادة خص العروس يفيقوها بالزغاريت والصلاة والسلام على الرسول.....
حلات عويناتها على صوت النسا وزغروتاتهم..... حسات بلي راها وحيدة على سريرها وحتى أنفاس مكتسمع من غير ديالها في الغرفة....تما تأكدات بلي آرسلان غير موجود اكيد خرج باش يخليها تاخد راحتها وماتحشمش كيف كل مرة ملي كيكون معها.....
تنهدات بعمق او وقفات متاجهة للحمام... تزينات وتعطرات ولبسات قميص بالجوهر الحر في اللون الابيض.... ودارت فرجيلاتها بليغة ونزلات للأسفل وهي عاد مكتزيد تسمع صوت الزغاريت مالي الدنيا...
دخلات للصالة وحسات بيد الأم ديالها تحطات على كتافها مقرباها للمجلس باش تشاركهم اللمة..... ونطقات بهدوء.... والفرحة لامعة فعينيها....
لالة نصيرة: بنتي خصك تزولي هاد القميص وتلبسي القميص الأحمر باش تم العادة ديال عائلتنا كما ينبغي...
نطقات لالة مليكة وعينيها كلهم إعجاب بإطلالة فتون.....
لالة مليكة: ماشاء الله غزالة ومضوية كيف القمرة كان خاصك غير راجل وهاهو جابوليك مولانا على الله يسعدك ويتاويكم حتى تزوركم الموت.....
فتون حشمات منزلة عينيها للأرض وقلبها على النية باغي يسكت..... ردات عليها لالة نصيرة مقبحة سيفتها....
لالة نصيرة: مالك أختي جبدتي حس الموت..... الإنسان يعيش لي قدامو بعدا وعاد يفكر فالموت.....
لالة مليكة: وعلاش مالي كذبت لابد ماتزورنا الموت شي نهار خصنا ديما نفكروا فيها باش نخدموا على أعمالنا تكون مزيانة أولالا أبنتي فتون.....
هزات فتون راسها بالإيجاب غير كتصنت وساكتة وإلا مادواوها مادوي.....
في غرفة الضيوف كانت براءة أمام المرآة.... تفننت وتزينت ودارت من عطرها المميز...ولات أجمل من دي قبل....!!
قربات كثر مركزة في تفاصيل وجها....كتمعن عاجبها راسها.... كيعجبها تحط أحمر شفاه فاتح وكحل صريح لعويناتها الزورق حيت كيبرز لونهم وكيخليوك بلا هواك تسرح فيهم..... طلقات شعرها باش يلامس مؤخرتها لي كبرات بسبب الرياضة لي ولات جزء مهم من حياتها ومستحيل تفرط فيها....
#يتبع..... بأنامل: رباب نجمة 🔥🔱
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
