🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء السادس والثمانون🌟
وصلات الطائرة للمطار الدولي "شيريميتييفو"..هو واحد من أكبر المطارات الدولية في روسيا، كيبعد على العاصمة الروسية موسكو حوالي 24 كم في الاتجاه الشمالي الغربي، وكيتعتبر البوابة الجوية لموسكو، والمطار هو المقر الرئيسي ومركز عمليات شركة الخطوط الجوية الروسية.....
أمام المطار كانت سيارة من نوع مرسيدس بنز لي كتبلغ قيمتها 43.9 مليار دولار....نزل منها السائق ببدلتو السوداء ونظارات لي بنفس اللون....غير لمحهم مشا بسرعة ناحيتهم هاز الشانطات ودايرهم فالكوفر وزاد حل ليهم البيبان....
ركبات في الطموبيل وهو بجنبها مراقبها في هدوء.... حلات الزاج وغير ضرب فيها داك الريح البارد حسات بجسمها قشعر وشوك خاصة انها لابسة غير فستان خفيف كيف العادة....
حسات بشي حاجة تحطات على كتيفاتها العريانة والبردانة..رفعات راسها حتى لامسات جبهتها الصغيرة ذقنو لي عليه اللحية الكثيفة شكاتها....
لبسها الجاگيط ديالو ونطق بهمس وشفايفو على يين يلامسو رقبتها الطويلة....
آرسلان: قلتليك لبسي حوايجك ولكن نتي عزيز عليك تبيني مفاتنك....
بللات شفايفها عاضة عليهم بخجل وقلبها كيضرب بسرعة حاسة بأنفاسها سخونة.... خاصة وأنه محاوط ظهرها بيديه.... قلبات وجها للنافذة وغمضات عينيها كتهدأ من نفسها.....
أما هو بقا مراقبها كيبتاسم إبتسامة مبهمة.... ابتسامة خبيثة تقدر تخليك تنفر منو... لكن نظراتوا تخليك تسرح فيه بدون إرادتك حيت وسامتو طاغية والسر فالغموض ديالو....
وصلوا لواحد الحي راقي...نزلوا بجوج والسائق موراهم مثقل بالشنطات....والأغراض لي ممكن يحتاجوا....
كان شاد فيديها الصغار وكيوجهها في الطريق... تمشاو على طول داك الحي حتى وصلوا للعمارة...طلعوا في المصعد ودخلوا للشقة الجديدة ديالهم....
دخلات للغرفة لي غاتولي تجمعها بيه وتلاحت على داك السرير كتستريح من تعب الرحلة.....
هزات عينيها في السقف وأذانها كتلتاقط رنين الهاتف ومن خلالو عرفاتو ديال براءة....
فتحات الخط كتسمع ليها....
براءة: حبيبتي كيف وصلتي؟
ابتسمت فتون بحب ونطقات معلية رجليها حتى بانوا فخيضاتها البويض كتحاول تحيد الصباط ديالها....
فتون: بخير أزين ديالي شكرا حيت سولتي فيا....!!
غافلة على نظراتو لي قربوا ياكلوها بالسيف حركاتها الأنثوية كتجنن شيطانو.......🔥
#يتبع......
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
