🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء السابع والثمانون🌟
غافلة على نظراتو لي قربوا ياكلوها بالسيف حركاتها الأنثوية كتجنن شيطانو.... وكتخلي نفسوا راغبة في إمتلاكها..... وتقييدها بجبروتو....
ردات عليها براءة لي كانت واقفة في الغرفة كتطل من خلال النافذة الزجاجية واضعة يديها على بطنها كتحسسها وعينيها على ديك الشجرة ديال التفاح لي ملهوفة عليه.....
براءة: كفاش شكرا واش من نيتك اصاحبتي...واش بيناتنا هاد المصطلحات؟
ضحكات فتون عاضة على شفايفها وجلسات على السرير متسطحة على ضهرها حتى طلعات ليها الكسوة وبانوا فخاضها بشكل أوضح.....
فتون: فيا طبيعة أش ندير... المهم نتي كيف دايرة؟
ذبلات براءة عويناتها المجبدين ونطقات بعبوس....
براءة: بخير وخا توحشتك وتوحشت ماما...مازال ماعرفت شنو مصيري واش زعما غايتقبلو حقيقة الأمر ولا غانبقا طول حياتي مخبية ومقاطعة معهم... متأكدة إلا عرف أيوب هادشي غايقلب عليا الدنيا باش يذبحني.....
وقفات فتون جالسة مربعة رجليها وملامحها تحولات من إبتسامة عذبة لحزن طفيف...
فتون: لا أصاحبتي ماتقوليش هكا ياك نتي لي ديما كتقوليليا ماتفقديش الأمل كلشي غايولي مزيان إوا حتى أنا هاد المرة غانقوليك نفس الهضرة... ثيقي فالله كلشي غايتصلح.....
بلع آرسلان ريقو حاس براسو سخن ومابقاش قادر يصبر...هو كيبقى رجل وغريزتو كتغلب لكن مصبر راسو....اتجه نحو الحمام يدوش ويخفف عظامو وينسى شنو شاف...ينسى حركاتها لي هيجوه وفخاضها لي سطاوه وماكرهش يقيسهم ويتلمس ملمسهم أكيد رطب بحال القطن.....
أما براءة ردات عليها بإبتسامة دافئة وبريق خاص ظهر فعينيها....
براءة: إن شاء الله أحبيبتي لهلا يخطيك عليا نتي الوحيدة لي فهمتيني وساندتيني فالوقت لي حتى واحد ماداها فيا....
حسات براءة بيدين قاصحين وسخان حاوطوا خصرها باش يستقروا على بطنها المسطحة لي مزال مابانت عليها علامات الحمل.....
ابتسمات فاش قبلها عثمان في خدها المورد.....حتى تسمعات لفتون من خلال الهاتف....
هزات فتون حاجبها بعدم فهم والإستغراب ظاهر على ملامحها...
فتون: شنو هادشي؟
ضحكات براءة بمرح ونطقات...
براءة: لا والو غير عطست....
~فتون: أه فهمت رحمك الله....
~براءة: يهديك الله ويصلح بالك...
ابتسمات براءة وعينيها على كرشها كتمرر أصابعها الدافية والرطبة عليها ونطقات بفرحة عارمة....
براءة: بغيت نقوليك واحد الخبر متأكدة غايعجبك ويفرحك كيف فرحني احم المهم فتون أنا حاملة.....
وسعات فتون عينيها بصدمة ونطقات بصوت مسموع....
فتون: كفاااش؟
ماتيقاتش هادشي لي كتسمع كفاش هي حاملة منو وبلا زواج...يعني هي نعسات معاه.... لا براءة مستحيل ترتاكب هاد الغلط بإسم الحب....
#يتبع.....
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
