🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء التاسع والثمانون🌟
ماقدرش يحبس نفسو عليها كثر على الأقل يحظى غير بقبلة من شفايفها المنفوخة لي سحروه من أول مرة جات عينيه عليها... قبلها بكل شغف هي لي ولات بحال حبة مطيشة طرية.... خدودها حمارت كيف كل بنت خجولة... وعينيها لمعت بدموع سخية.... ونجوم خفية.... اول قبلة ليها وحمدات الله حيت حافظات على نفسها وكانت قبلتها الأولى في الحلال وخا تحس بالإحراج مغاتكونش كتعصي خالقها....
ترددات واش تجاوب معاه ولا تبقى كيف الجماد لي مكيشوف مكيسمع مكيتكلم....غير هي زايدة عليه كتحس.... بلا دوك الأحاديث الطويلة لي كتخبط داخلها بين ضميرها وصوتها الداخلي.....
أفكارها تكاثرات باش تتلخص في فكرة وحدة ولي هي "آرسلان كيبوسك أ فتون"....ماقدراتش تتقبل الأمر حاسة بنفسها في حلم لكن تفسيرها ليه كان بعيد على أن القبلة هي قبلة حب حيت ربي وخا حرمها من نعمة البصر إلا ورزقها بنعمة مماثلة لي ممكن تكون عند بزاف منا ولي هي الحاسة السادسة أي الحدس...
بطبيعتنا كبشر من أول مرة كنشوفوا شي شخص ولا كنقابلوه يعني فور مكاتلمحوا عيونا كناخدوا عليه واحد الفكرة ممكن تكون صحيحة ويمكن تكون خاطئة و فور مكنتكلموا معاه والحوار كيكون سطحي الفكرة لي خديناها عليه كتزيد ترسخ في ذماغنا وفاش كنتعمقوا معاه في النقاش فكرتنا عندها جوج إحتمالات يا إما كتتبدل ولا كتزيد تتطور باش في النهاية كناخدوا عليه إنطباع ممكن يرافقنا طول ماحنا على علاقة بيه......
وهادشي بالضبط لي كان واقع لفتون بحيث أنها خدات فكرة على آرسلان من لما شافتو وفاش تكلم معها ترسخات الفكرة ومن خلال تصرفاتو فكرتها ولات مرافقاها طول ماهي معاه... وفكرتها أنه ماتزوجهاش حيت كيبغيها وإنما لشي هدف... نيتو مصافياش من جهتها وهادشي لي كيخلي واحد النفور اتجاهو......
بعد ما كانت تايهة في حزمة من حزم أفكارها خدات قرار شجاع باش ماتتجاوبش معاه وماتسايروش.... شي لي فيقو من قبلتو تلك لي كانت جامحة وخارجة من أعماق قلبو.....أكيد ماعجبوش الحال حيت ماقبلاتوش كيف قبلها ولكن فسر هادشي بخجلها وبأنها أول مرة ليها......
بعد عليها كيشوف فوجها المزنگ..بريئة ودافية....بقا كيتحسس حنيكاتها السخونين ونزل بشفايفوا باش يقبلهم.....
غمضات عينيها كتنفس بقوة والتفكير داير خدمتو في عقلها.... بعد من جديد كيحاول يحفظ ملامحها... ونطق....
آرسلان: لشفايفك طعم خاص عمرني تدوقت بحالو....
نزلات راسها بخجل حاسة بالإحراج والصدمة من الموقف لي هي فيه وكمل عليها بكلامو لي بحال السحر.....
#يتبع......
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
