🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الخامس والتسعون🌟
سكينة عينيها الحمرة قربات تخرج النار وكون تصيب تحرق جيدان وديك البرهوشة الصغيرة كيف سماتها... باش فالأخير يبقا ليها عثمان بوحدها ولكن ماقادراش تفكر فشي خطة جديدة حيت ببساطة هما بعادين بزاف وهي خصها تمشي من هاد الڤيلا.... يعني خاسرة في كلتا الحالتين اللهم تغرق معها شي حد ولي هو..."جيدان"...🔥
من بعد ديك الليلة الصامتة عند البعض إلا ديك الفاتنة ماقدراتش تنعس....دوزات ليلتها وهي كتنين بصوت خافت بسبب الألم لي فرجيلاتها.... كل مرة كتخسر سيفتها فاش كتحس بالصداع في رجليها.....
أما هو كان جالس فوق الكرسي الخشبي واضع يديه على راسو وكيفكر فشنو خصو يدير...هو كيتألم لألمها وحقيقة أنه كيبغيها فعلا ماقادرش ينفيها....من ديما عتابراتو منقدها وبطلها لي منحها فرصة جديدة وبصراحة ماباغيش يخسرها ولا يغير فكرتها تجاهو...مباغيش يزيد يصدمها فيه ويعري على وجهو الخايب... هو صافي ولا كيبغيها....صدق من قال أني أحببتك من النظرة الأولى.....
بدا كيرجع فالأحداث وكيتذكر كل لي فات والهدف الرئيسي من هاد الزواج......
🍒فلاش__باك🍒
واقف فغرفتو كيكمي لأول مرة رغم الدخان لي خنقو إلا أنه باغي يثبت أنه ولا راجل وقادر يستحمل الگارو.....
كيفكر كفاش يقدر يدخل في عالم السياسة ويثبت دورو وسطهم... كفاش يوصل لمرتبة عالية..... ألا وهي "رئيس الوزراء".....
دخلات مدام جيدان للابسة فستان أسود قصير مبين جسمها...طالقة شعرها المصبوغ بالأصفر أو واضعة مايكاب صارخ..... ابتسمت وهي كتشوف حفيدها هاز الگارو وكيحاول يسستحملو.....
لالة جيدان: حفيدي كبر ماشاء الله....
ضار عندها وطفى الگارو في الطفاية وابتسم ليها فاش قربات منو باش تعنقو... ونطق....
آرسلان: لاباس عليك ألعزيزة...
لالة جيدان: لاباس نت لي كتبانلي ماشي هو هداك ؟
قلب وجهو للنافذة وتنهد مطول عاد تكلم...
آرسلان: نتي عارفة السبب...
هزات حاجبها ورجعات تكلمات...
لالة جيدان: معلوم، باغي تولي رجل سياسي...إوا توكل على الله أحفيدي ومايكون غير الخير.... وإلا كنتي باغي تترشح للإنتخابات لابد من أنك تزوج...
شاف فيها بإهتمام.....
آرسلان: ولكن أنا مكنفكرش فالزواج....
غمزاتو وقربات منو أكثر...
لالة جيدان: وخا غير على الأوراق... تزوج وطلق من بعد....
#نهاية_الفلاش_باك....
فعلا تزوج وطلق ولكن كانت أغبى فكرة يديرها... حيت هو تزوج بوحدة فضائحها مالية الجرائد.....حتى تزوج بفتون لسببين.... الأول أنه يترشح للإنتخابات والثاني باش يعدبها حيت بسبابها ماتت الأم ديالو...كيقول كون ماشي هي كانت ممكن تبقى عايشة وباباه مايفكرش فوحدة قد بنتو.....
#يتبع....... 💓🌸
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
