🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء الرابع والعشرون🌟
يا فاتنة آرسلان رفقا بناظريك
اي سحر يشع من مقلتيك
اي سحر يكحل جفنيك
واي شهد ينساب من شفتيك
واي وهج نور يتلالا على خديك
يامن تدثرت بالحرير والزعفران
وتشبعت بالمسك والعنبر والالوان
كم زهرة تعطرت بلمس يديك
حدثيني يا سيدتي
كم محبا أصبح لديك.......❤
🔱حديث العيون🔱
هي: الزواج ماشي لعبة والحب صعيب يجي من جيهتي.... حيت قلبي متعلق بواحد أخر...
هو: الزواج بالنسبة ليا هو لي غايخليني نفذ مخططي....نتي أ فتون غاتكوني الورقة الرابحة في لعبتي....غادي نقلب على نقط ضعفك وغاندمك بيهم....تيقيني غانقلب حياتك ونخليك محطمة ودموعك على خدك اما أنا غانوقف بعيد عليك كنتفرج فيك كتعدبي بلاما نشفق عليك بالعكس عاد ما غانشفي غليلي...
هي: ملاكي كيقولي بلي نت هو الشخص لي غاينور طريقي و غايضيئ ظلامي....
هو: انا لي غانخليك تندمي حيت قبلتي بهاد الزواج...غانخلي الشيطان لي فيا يندمك أفتون...
هي: ولكن شي صوت فالداخل ديالي كيخبرني بلي حياتي الجاية غاتكون صعيبة....
هو: و أسوء من لي كتخيلي....
〰️فــي__الصـــالـــة🖤
وشوشة النساء مالية الصالة....كلهم كيتكلموا على الموضوع لي بغاهم فيه آرسلان بلا التصرف لي دار عمران.... وكفاش وقف فوجه خوه بإندفاع وبشكل مبالغ فيه... ولي صدمهم أكثر هو موقف فتون... زعما تكون موافقة على هاد الزواج.....مايمكنش تكون نسات حبها لعمران...
نطقات لالة نصيرة بملامح قلقة....
نصيرة: خايفة على بنتي بزاف...
مليكة: وعلاش خايفة عليها أختي الله يهديك.....
جاوباتها نصيرة وبالها مع بنتها وقلبها مامطمنهاش من جهة فكرة هاد الزواج لي جات على غفلة..... خايفة على قلب بنتها من أنه يتحطم... خاصة وأنها عارفاها بلي متعلقة بعمران وكتتمناه هو لي يكون من نصيبها.... متأكدة من أنه لو جا خطبها اليوم كانت غاتكون أسعد وحدة وملامحها غاتكون متحمسة عكس الملامح لي ظهرات على وجها فاش سمعات كلام آرسلان...
نصيرة: خايفاها ماتتوفقش تكون زوجة صالحة....وخايفة من أنه يقلقها ونتي عارفاها هي كيف دايرة... رقيقة المشاعر وحساسة بزاف (تنهدات) بلا المشكل لي عندها.... خايفاه يكسر بخاطرها ويحطمها.... مغاديش تقدر تتحمل.....
شافت فيها لالة مليكة كتصنت على كلامها بدون مقاطعة... ورجعات جاوباتها فاش سالات هضرتها.... بابتسامة عذبة على محياها....
مليكة: ماشي أي حاجة كنتوقعوها كتطلع صحيحة.... بنتك غادي طلع هي الرابحة من هاد الزواج أما هو لاكان باغيها على قبل شي مصلحة ولا باغي فيها الأدية تيقني بلي هو لي غايخسر وغايندم بزاف.... فتون ماشي ساهلة كيف كظني.... هي بصح عندها مشاكل نفسية ولكن ذكية بزاف وقوية....(تكلمات بهدوء) البنت لي تحملات أنها تعيش فالظلام واش فنظرك مغاتقدرش تتحمل مسؤولية الزواج....
كلام لالة مليكة طمأنها وخلاها تتفاءل شوية.... غمضات عينيها متنهدة بقوة وكتدعي فخاطرها براحة بنتها......
كحزات آمال جنب يسرى لي كان بالها مع ختها....
آمال: واش سمعتي وشفتي شنو جرا عاد دبا....
يسرى: أييه شفت ماعرفت خوك علاياش ناوي....
آمال: حتى أنا جاني هادشي غريب... آرسلان عمرو مابين شي إشارة كدل على أنه معجب بفتون عكس عمران لي فاش كيشوفها عينيه كيلمعو بنجوم خفية.....
يسرى: جاني الفضول نعرف شنو تحت راسو...
آمال: غادي نعرفو ولكن فقاش ؟
يسرى: و إلا كان بصح كيبغيها.... ؟
ضحكات آمال بخفوت....
آمال: واش من نيتك!! شنو غايبغي فيها مثلا ؟ فتون ماشي من النوع لي كيعجب خويا....
وسعات يسرى عينيها ونطقات...
يسرى: ختي مكتشوفوش أصلا باش يعجبها....
كحزات من حداها ماعاجبهاش الحال.... فعلا أمال ضريفة ولكن لسانها ماضي وكيخرج غير السم وقلبها قاصي بحال جداتها.....
فحين كانت لالة جيدان جالسة جلسة الملوك واضعة رجل على رجل ورافعة راسها للأعلى كأنها مالكة الدنيا..... لابسة فستان أسود قصير مبين جسمها الممتلئ....كتشوف جهة الصالة المقابلة نظرة انتصار وتوعد....ابتاسمات ابتسامة كان معناها واضح على أنها قدرات تحقق هدفها......
وقفات براءة كتمشى جهة الجردة..كتدور بديك الجلابة لي جاتها حساب ومبيناها فايتة عمرها.... كأنها ماشي ديك المراهقة الصغيرة.... بقات كدور وتقلب بعينيها حتى وقفات كتلمحو جالس على واحد الدريجة كيكمي برجولية ويبخ الدخان ببطئ مشكل غيوم فالهواء....
#يتبع...
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
