🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السادس والثلاثون🌟
بعدات منو كتنهش والإبتسامة مرسومة على وجها الممتلئ...على الأقل سايرها فقبلتها.......
نطقات بصوت عذب دخل لمسامعو بشكل قوي وخلاه يتصدم من جديد....
براءة: شفتي حتى نت كتبغيني.. غير مقصح قلبك من جيهتي وماباغيش تعتارف....
خرج فيها عينيه مامصدقش كلامها بل مصدوم منها ومن راسو.... زعما يكون إعجابو اتجاهها تمادى باش يولي حب...
فحين هي كملات كلامها بنعومة كبيرة كتلعب فلحيتو الكثيفة.... مخلياه تايه فيها بحال الحمق...
براءة: ولكن ماتخافش انا هنا غير باش نفيق أحاسيسك اتجاهي وغانبقا حتى نخليك تعتارف قدامي....
قربات وجها من وجهو وطبعات قبلة دافية على خدو ونطقات بهمس...
براءة: متشوقة بزاف لداك النهار....
قالت كلامها وبعدات كتبتاسم عاد خطات بإتجاه الباب...هازة فيديها الهدية وخارجة من ديك الغرفة لي شهدات على حوار من نوع اخر وقبلة لعينة كانت بيناتهم....
🌺دخلات كتقلب على ماماها فين كاينة حتى دخلات فشي شخص... هزات راسها وهو يبانليها عمران حالتو حالة....شعرو مخربق وتحت عينيه كحل...باينة فيه ماناعسش... بلا فمو لي زرق اكيد بسبب الشراب والگارو.... لكن هادشي ماخباش وسامتو الطاغية.... تبسم ليها إبتسامة مرهقة ونطق...
عمران: ياكما تقصحتي....
براءة: لالا أنا بخير بايلي نت لي مقصح.... وحالتك مكطمنش..
تنهد بحرقة وقلبو كيغزل بالأعصاب....
عمران: وكيف بغيتي حالتي تكون وأنا كنشوف فالبنت لي كنبغي كضيع من بين يدي...قلبي محروق وانا كنشوفها غاتكون لواحد اخر والأكثر أن داك الواحد هو خويا...
بقا فيها وبقات فيها فتون لكن مالقات ماتقول.... حطات يديها على كتفو كتواسيه ونطقات بإبتسامة دافئة....
براءة: ماديرش فراسك هاد الحالة ربي دارلك فيها الخير... فتون مامكتابالكش ربي يعوضك بما حسن.....
بغفلة منها كان عمران معنقها.....غافلة على دوك العينين السود لي الشرار كيخرج منهم كان كارز على يديه ومراقبهم بغضب كبير..... دخل وزدح الباب كيحاول يتمالك أعصابو....
بعدات براءة منو ونطقات...
براءة: سير بدل ساعة باخرى وان شاء الله مايكون غير الخير....
هز راسو بالإيجاب ونساحب من تما.....اما براءة كملات طريقها كتقلب على مها حتى خرجات فمدام جيدان.....
#يتبع...
بقلم: رباب نجمة 🌺
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
