🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء الثاني عشر🌟
قرب منها بهدوء وكردة فعل متوقعة منها حطات يديها الصغار على صدرو العريض محافظة على مسافة الأمان.. خلات جسمو يشوك من ملمس يديها الناعم.... مد يدو لأسفل ذقنها وتلمسو بإعجاب.....
عثمان: مال الغزالة مقلقة....؟ واش درت شي حاجة ماعجباتكش همم ؟
هزت كتافها بدلال ويديها محطوطة براحة على صدرو العاري وشعرها في تشابك مع لحيتو.....
براءة: ماعمري نتقلق منك... حيت (كانت غاتعتارف بمكانتو الحقيقية في قلبها وتراجعات مغيرة كلامها.... رفعات عويناتها خاطفة الشوفة فيه وكملات كلامها بإبتسامة خجولة) حيت نت عزيز عليا بزاف...
ابتاسم معلي حاجبو فيها ويديه تماداو لذراعها العارية...
عثمان(بمشاكسة): بحالاش عزيز عليك...
تكلمات بصوت رقيق كتبعد شعرها من على وجها بعشوائية... وبحركة أنثوية عفوية رجعات يديها لصدرو الفولاذي وطلعاتها بجرأة وببطئ حتى لعنقو....خلاتو يغمض عينيه بلا هواه...
براءة: عزيز عليا وصافي.. (رفعات عويناتها فيه) ماعرفتش نقولك بحالاش(حدرات عينيها مغيرة الموضوع)...... اصلا ماشي هذا هو موضوعنا...
هز حاجبو فيها بذكاء....
عثمان: كتبدلي الموضوع أبنتي... ونتي لي جبدتيه....!!
نطقات بشقاوة...
براءة: نت سولتي وأنا جاوبت.. نت لي ركزتي على ديك الجملة لي قلت...
ابتاسم بمكر وحط يديه جنب راسها لا سبيل للنجاة من نظراتو لي محاصراها من كل جهة...
عثمان: ماقلتيهاش بنية صافية...
غير هزات فيه عينيها غمزها مبتاسم...
حسات بالسخفة... كيتكلم كانه عايق بيها وبمشاعرها لي كتكن ليه... عضات على شفتها السفلية غارسة سنانها البيضين فيها والخجل مخيم على خدودها وعاطيهم جمال خاص... وهتفت بصوت خافت...
براءة: لا انا قلتها بنية صافية مانويت فيها حتى حاجة خايبة...
(ابتسمت برقة ويديها الرقيقة واضعاها على صدرو مكملة حديثها بنعومة و ببلاهة..ماكدبوش منين قالو الحب كيخليك تكون اعمى وحمق) أصلا نت ماعارف والو ياك ؟
نطق بإبتسامة دافئة على محياه محاصرها بعيونو...
عثمان: لا كنتسناك نتي تقوليلي...
براءة جاوبات بحماقة محركة راسها بالنفي...
براءة: لا أنا ماعارفة والو.... اصلا أشنو غانعرف... ماكاينة حتى حاجة خاصك تعرفها....
شافتو ماجاوبهاش غير مراقبها كيبتاسم... وهي تفلت منها ضحكة أنثوية رقيقة خلات خدودها يترفعو بخجل....ضحكت حتى دمعات عينيها خلاتو يضحك حتى هو بلا هواه متعجب من ضحكتها.....
هتفت بين ضحكاتها المسموعة بصوت رقيق....
براءة: جيت على قبل موضوع صدقت فموضوع أخر... بصراحة انا جيت نشكرك على الموقف لي درتي معايا لتحت.... نت دافعتي عليا وحميتيني من إهانات بنتك... شكرا...
حط يديه السخان على يديها لي فوق صدرو ونطق...
عثمان: من ديما كنت كنحميك وغانبقا هكاك... (بغمزة) نتي عزيزة عليا كثر ما أنا عزيز عليك......
#يتـ___ـبع... آراؤكم وجيماتكم حبيباتي
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
