🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء السادس والعشرون🌟
يوم__جديد.....
يوم ممطر على غير العادة...الشتا خيط من السما والجو مكهرب....
في مصنع مهجور.... التسقيفة ديالو مثقوبة و كتنقط قطرات مطرية بشكل متتالي مصدرة صوت مزعج ومرعب في نفس الوقت...
كان نفس الرجل لي حاول يتعدى على فتون مستلقي في الأرضية الباردة والظاهر أنه سخفان كيتنفس بصعوبة وقلبو علاين يسكت..... حوايجو ملوثين بالدماء..وملامح وجهو تمحات بسبب الجروح لي عليها..... حالتو حرجة كأنه خرج من شي حرب.....
تقدم بخطوات ثابثة بإتجاه الرجل وعينيه مضيقين فيه...كارز على يديه بقوة حتى برزوا العروق... حنا على ركبتو اليمنى وطول فيه الشوفة عاد نطق بهدوء وبنبرة مرعبة.....
آرسلان: كيف جاتك ضيافتنا ؟
بدا كيرجف داك الرجل وحرك شفايفو بصعوبة وقلبو كيضرب بخوف....
الرجل: رحم..ني أ...سيدي الله يخلي...ك....
ابتسم آرسلان بهدوء...
آرسلان: وعلاش نت رحمتيها ؟
فور ماتغيرات ملامح وجهو للجمود...جملة خصو يقولها لراسو هو الأول... هو مغايرحمهاش عاد غايرحمها هاد الرجل....
نطق مغزز سنانو بعصبية....
آرسلان: واش عمران عندو شي علاقة؟ دوي هو لي سيفطك....؟
الرجل هزز راسو بالإيجاب وهو كيرجف بالخوف....
الرجل: خليني نمشي بحالي عمرني باقي نعاود.....
آرسلان تكلم بخبث مخلي رجالو يتكلفوا بيه....
آرسلان: أصلا مغاتقدرش... نطلاقاو فجهنم.....
فلاش__باك..... 🖤
عمران: يا ال*واد أنا قلتليك غير خلعها ماشي قرب منها وحاول تقيسها.... كنت بغيتها تحس بالخوف ونجي أنا بحال البطل ننقذها.... بغيتها ثيق فيا أما بتصرفك هذا تهزات صورتي فعينيها....
الرجل: سيدي ماقدرتش نسيطر على راسي....(عض على شفايفو بشهوة) خاصة انها زوينة بزاف وعندها داك الطرف أحح كيهبل....
حس بلكمة على وجهو خلاتو يرجع للوراء فاقد توازنو....وبعدها جاو لكمات أخرين.....
عمران: هاديك ديالي أ الحمار.... لي شاف فيها نخنقو بيديا هادو فهمتي....
بدا كيكح الرجل الدم....متكلم بصعوبة.....
الرجل: كح كح سمحليا أسيدي.... كح كح....
عمران: *ود عليا من هنا......
#نهاية__الفلاش__باك...
🔱في__ڤيلا__التلمسي🔱
حل الليل والسواد غطا السماء المغيمة مزينة بنجوم خفية......واقفة مربعة يديها ومتكية على حرف النافذة الزجاجية لي كاينة فغرفتها الخاصة.... مخلية شعرها مطلوق وبعض خصلاتو كتراقصهم الرياح....على أنفها حمرة طفيفة..... ملامحها كسولة....كتفكر فحياتها والتغيرات لي غايطراو فيها...متخوفة من القرار لي خدات..... واش هي ماغلطاتش فاش وافقات على هاد الزواج.....
ضمات نفسها حاسة بالبرد...لابسة قميص نوم خفيف عگزانة تزيد عليها من البرد..... أثار الدموع على خدودها المحمرة.... واقفة كتفكر بلاما تعير أهمية للوقت ولا لموجات البرد لي كتضرب جسمها النحيف....كل ساعة كتمر وهي كتفكر في حياتها كتزيد تظلام عيونها الصافية بحزن.....
عندها رغبة كبيرة في البكاء على الأقل هو وسيلتها الوحيدة اللي كتخفف من آلامها....كأنه هو وسيلتها لي كتخفف النار لي شاعلة في قلبها.....
#يتـ_بع....أين أنتم يا معشر اللؤلؤات‼️فين التفاعل وفين الآراء كنظن مابقيتوش متحمسين للقصة ⁉️🔱
#بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
