🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الرابع والأربعون🌟
دورات براءة عينيها قدامها كتحاول تستوعب كلامو وتتقبل الأمر وتصبر على مرارتو...... ودنيها تصمكو كتكره تكون الضحية.....
حنات راسها ساكتة وكارهة نفسها هي لي باعت نفسها بالرخيص على ودو هو لي بارد وعمرو مغايحس بيها..... ناضت من مكانها بهدوء عاطياه بظهرها لبسات ملابسها الداخلية.... خارجة حتى وقفها كلامو......
عثمان: مزال ماكملنا....مايمكنش تهربي بهاد الطريقة..... بلاما تنطقي بحتى كلمة......!!! .....مايمكنش تتحملي بوحدك هادشي لي وقع اليوم.....!!
وقفات مكانها كتسمع ليه بتركيز حتى سالا...... عاد باش رسمات إبتسامة باردة لا حياة لها...... كتعجب من نفسها ولكن الإستسلام هو لي مكاينش فقاموسها مستحيل تخليه يشفق عليها......!!
ضارت شافت فيه ورجعات عندو مقربة منو ناطقة بخفوت والهدوء سائد فالغرفة عكس النار لي شاعلة فقلوبهم......
براءة: يمكن فرصة نتعلم من أخطائي القديمة.....!! فرصة سعيدة لي تعرفت عليك ودوزت معاك أحسن أوقات حياتي....(ابتسمات بسخرية) وأسوأها......
طلع عثمان حاجبو بإستغراب ناطق بإهتمام....
عثمان: يعني غاتنسايني أبراءة.....
نطقات بتحدي كتشوف فيه بديك النظرة الثاقبة....جرأتها وإسرارها وصمودها كيسالي معاه.....
براءة: وعلاش لا شنو لي غايمنعني؟
سكت لبرهة ورد عليها بسخرية....
عثمان: صدقيني....! جربتي وماقدرتيش ومكنظنش تنجحي هاد المرة.... حيت تملكتك كلك أبراءة.....
براءة هربات عينيها منو بتتاقل كتسرط فريقها.... وردت عليه بإنكسار.....
براءة: بصح تملكتيني ولكن جرحتيني بزاف وشنو لي غايمنعني نتسنى دااك الشخص لي غايداوي جرحي...مايمكنش نبقى كنجري من وراك حياتي كاملة حيت عذبتيني بزاف مابقيتش قادرة نتحمل كثر......
هرب عينيه منها بضعف من نبرة صوتها الرقيقة...... التزمت الصمت التام كتشوف فعينيه مستنية وقت رحيلها من هاد المكان لي شهد على ليلة من أجمل الليالي ومن أسوأها في نفس الوقت بالنسبة ليها...كون عرفات خاتمتها هكا ماكانتش فكرات ولو للحظة أنها تحط فيها رجليها..... دبا هاد الذكريات غايبقاو عالقين فذهنها إلى الأبد.....!!
ظل كارم فمكانو كيرمقها بنظرات كتوصل ليها كلام لي رفض لسانو ينطق بيه وخلى عيونو هي لي تعبر عليه.....!!!
كملات براءة طريقها خارجة وهازة معها مايكفي من الألم والأوجاع......هادشي ماخلاهاش تضعف ولا تكره شخصيتو ولا إسمو حيت تأثيرو قوي عليها ولازم تتحملو...... "أخفيتك في قلبي مثل الخطيئة"💔
خرجات من غرفتو مخلياه بحال شي ثور صاعر عينيه حمرين وعروقو برزو وجسمو تنفخ ضعف حجمو العادي..... بحال شخصيات الأفلام الخيالية..... معصب لأقصى درجة.... الندم لي كيحس بيه ماشي حيت قرب منها بالعكس تماما ندمان حيت عذب قلبها الصغير.... فضل يعذبها دبا ولا تبقى كتعذب حياتها كاملة.....
عارف راسو خسرها ولكن مابغاهاش هي تخسر....ضرب على صدرو بقوة كيزار بحال شي أسد......
عثمان: كنبغيهااا يا ربي كنبغيها..... علاااش درت فيها هكا أشنو ذنبها فهادشي حتى نخليها فهاد الحالة......
رمش بإنزعاج وعدم راحة ناطق.....
عثمان: مغاديش تكرهني ولكن تقدر تنساني.....
نزلات دمعة من عينيها مقطرة ورجع مسحها بعنف راسم قناع عثمان البارد والصارم لي مامسوقش لمشاعرها......
عثمان: غادي تعيش حياتها كما يجب......
#يتبع.....فييينكم 🙄👀👀
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
