🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الحادي و الأربعون🌟
أحدهم ليس حبيباً لي..... ولكن أغراني بإهتمامه..... فأصبحت أفتقده....
كأن الليلة كانت مصرة ماتدوز حتى تكسر خاطرها....!!
🌸فـــلاش___بـــاك..🖤
كانت السهرة مستمرة والكل فرحان وناشط بلا المحسادات ولي غيرانين من فتون....
هازة فيديها كاس من المشروب الغازي وعينيها مركزين على ديك الكتلة المغرية من الرجولة...طريقة هضرتو وكفاش كيحرك شفايفو.....سنانو البيضين والمستفين...نظراتو الغامضة... رموشو الكثاف.... لحيتو الكثيفة....خصلات شعرو لي كل مرة كتندارج نحو عينيه.... نظراتها أبدا ماتزحزحاتش عليه... مراقباه بدون ملل... ولات مهووسة بيه أكيد هذا مرض ماعندوش الدواء....فنهاية المطاف غاتلقى راسها فمستشفى المجانين....
ابتاسمات فور ماشافت ضحكتو الهادئة على عكس الرجال لي كيعبروا على فرحتهم بديك الضحكة الصاخبة والعالية..... تجمعوا عليه الرجال المقربين كيباركوا ليه.... كيضحكوا بصوت عالي و ربتوا على كتاف بعضياتهم بقوة.... لكن كلامهم منخفض....
تجمدات ملامحها فور ماجات عينيها على مرأة في الأربعينات كتقبل خد عثمان...تقدمات بإتجاههم وشعلة من الغيرة باينة في عينيها.... لي فور ماشافها عثمان توتر خايفها لا تتصرف بحماقة قدام الحضور وتخرب هاد الخطوبة.....
ابتاسمت السيدة وعينيها كيلمعوا بإعجاب ونطقات...
نديم: مبروك مادرتو أولد خالتي... العمر كايجري بالزربة اابارح عاد كنا صغار واليوم كبرنا وكبروا ولادنا...
ضحك بهدوء وعينيها على براءة لي غاتموت من الغيرة ونطق بهدوء....
عثمان: هادي هي السنة الحياة ألالة نديم....
ردات عليه بمشاكسة...
نديم: العقبة لينا أنا وياك....
تنهدات براءة ماحاملاش الموقف.... زحف الضيق لملامحها ونطقات بغضب بصوت شبه مسموع.....
براءة: ماتزوجت أنا لي باقة عزبة بقيتي غير نتي يا الشارفة الهارفة....
رجعات نطقات مخاطبة عثمان....
براءة: ممكن دقيقة من وقتك...
تمشات مبعدة وهو تابعها حتى وصلوا لواحد الدخيلة بعيدة على الحفلة.....
سكتات لحظة كتحس بالعافية كتشعل فيها بكثرة التفكير في أن شي وحدة ممكن تسرق عثمان من بين يديها....
شافت فيه وقربات منو جوج خطوات...أما هو كيشوف فجنابو بحرص لا يكون شي حد جاي....
ونطقات بالزربة.....
براءة: كان عاجبك الحال ياك....
عقد حواجبو ونطق بحدة....
عثمان: نتي شنو كتحاولي ديري بهاد التصرفات الصبيانية.... زدتي فيه بزاف أبراءة....
براءة: دبا وليت كنزيد فيه ياك....
جاوبها بحدة أكبر....
عثمان: داكشي لي كتفكري فيه مامنو والو حيت عمر شي حاجة غاتكون بيناتنا... أنا وياك بيناتنا فرق كبير مايمكنش شي حاجة تكون بيناتنا....
بعد جوج خطوات بالحساب باش يوليو بعاد من جديد....شهقات بصدمة وذبلات عينيها برجاء....
براءة: ماديرش فيا هكا عفااك....
تكلم بنبرة منكسرة ضاغط على نفسو...
عثمان: نسايني أبراءة علاقتنا مستحيلة....
حركات راسها يمين ويسار وعيونها دمعوا بألم.....هو بعد من تما ماباغيش يشوفها ضعيفة ومتألمة وهو السبب.... أما هي طاحت للأرض مقادراش تشد دموعها.....
#يتبع..
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
