🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثالث والسبعون🌟
خرج من الصالة لابس قناع الجمود... يلاه بغا يخطي خطوة بإتجاه الباب حتى..........!!
حتى صطدم بجسم رطب أكيد جسم أنثوي.... نزل عينيه للشخص... حتى بانت قدامو بنت فاتنة بمفاتن متفجرة...شافتها عينو كيف الحورية بدوك العينين الزرقين والوجه البريئ.... شعر بني طويل وجه أبيض متعب.... طول متوسط....
كانت متوترة وكتشوف في الأرض وكتحاول تعقل على خطواتها.... مافهمش شنو كتحاول دير ولكن تكلم مفيقها من عالمها....
ناصر: واش نتي بخير...!!
نطقات بخفوت وخدودها حمرين بالخجل....
فتون: شكون نت؟
رفع حاجبو مستغرب لحالها ونطق...
ناصر: انا صديق العائلة ناصر ونتي شكون...
بدات كدرف الدموع وحطات يديها على عينيها بطفولية....
فتون: أنا غير وحدة عمياء... مكاتنتاميش لهاد العائلة... معلوم ماتعرفنيش حيت المكفوفين بحالي ممنوع عليهم يتصوروا ويبانوا في الجرائد....
ثارت اهتمامو وحط يديه على يديداتها الرطبين باش يشوف عويناتها الصفيين بلون البحر لكن الإحمرار كان ضاير بيهم.....
ناصر: تهدني وخا... واش نتي حفيدة هاد العائلة....
رفعات راسها بالإيجاب كتحس بيديها بين يديه...سحباتهم لعندها ونطقات...
فتون: فتون التلمسي مرات آرسلان التلمسي....
ابتسم جنب مرجع شعرو للوراء وعينيه مركزين فشفايفها وعينيها لي سلبوه... نطق بصوت خافت ماقدراتش تسمعوا عاد كمل....
ناصر: تشرفت بقمر بحالك...
~القمر عمرو كيبكي هو تخلق غير باش يضوي...
انسحب مخليها مشوكية وبدون هواها ترسمات إبتسامة خجولة على شفايفها الحمرين...
ليلة هادئة وسماء سوداء مزينة بالنجوم، رفعات رموشها كتشوف فالسقف، الليل بالنسبة للأغلبية من الناس نوم وراحة وهدوء من بعد نهار طويل ومتعب، لكن بالنسبة لهاد العائلة هي فترة تفكير فالهموم والأحداث لي مرت صعبة على الكل....
تنهدات مطولة ورجعات ناعسة على جانبها الأيسر كتشوف في الفراغ وكتخيل نفسها كتشوف فالقمر المضوي والنجوم لي حداه...عندها فضول كبير وحماس اكبر باش دير العملية...عندها دافع قوي الأن باش تكابر وديرها رغم الخوف من لي جاي....
سمعات صوت الباب تحل ورجعات غمضات عينيها كتنفس بصعوبة دايرة براسها ناعسة... جلس بجنبها وبتردد حط يديه على شعرها المرمي على وجها بحنان راسم إبتسامة جانبية ساخرة...
آرسلان: لو تعرفي شنو غاتشوفي في المستقبل متأكد كنتي غاتفضلي تبقاي عايشة فالظلام....
فتون تملكها فضول قوي....لولا أنها ماجاراتش نفسها كانت غادي تنطق باش ترضي فضولها.....
حسات بقبلة دافئة على عنقها بورشات جسمها....عاد بعد منها كيخطي نحو الحمام....
غير تسد باب الحمام حلات عينيها كترمش بعدم فهم... والفضول غاياكل عقلها... بقات شاردة في تفكيرها وكتحلل في كلامو....كتفكر شنو لي غاتشوف من هنا لقدام وشنو المفاجأة لي كيوجد ليها أكيد مفاجأة صادمة وممكن دمرها... ولكن علاش هي شنو دارت باش تستاهل هادشي....
فالأخير غمضات عينيها مستقبلة أحلام لعلها تكون زوينة...ولكن داك الشخص لي طلاقاتو ماغادرش ذاكرتها......
#يتبع..... بأنامل: رباب نجمة 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
