🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الرابع والسبعون🌟
حلات عويناتها بإنزعاج وبشكل طفولي دلات شفايفها غير حسات بشي حاجة كتهرها في وجها.....
نطقات براءة والضحكة مبهجة وجها الجميل....
براءة: أتي فيقي براكة من النعاس... راكي تنفختي....
جلسات فتون فمكانها وبدات كتكسل وتفوه....
فتون: صباح الخير ألمشاغبة....
ردات عليها براءة بمشاكسة: صباح النور ألكسولة.... نوضي غسلي وجهك وهبطي نفطروا بجوج... حتى واحد مكاين في الڤيلا...
هزات حاجبها بإستغراب كترمقها بنظرات إستفهام....
فتون: علاش فين مشاو....
براءة هزات كتافها ونطقات...
براءة: وباش غانعرف أنا.....
دخلات فتون للحمام دوشات ولبسات كسوة متوسطة الطول في اللون الأخضر....طلقات شعرها ودارت بونضو لامع في شعرها.....
نزلات فتون بجانب براءة وبداو الفطور جنب لابسين..... وكل وحدة كتفكر في شي حاجة شاغلاها حتى كسرات براءة داك الصمت....
براءة: كيف دايرة علاقتك بآرسلان ولفتيه شوية....
حطات فتون الفرشيطة من يديها ونطقات قبل ماترشف من كاس العصير هازة كتافها....
فتون: ماعرفتش... علاقتي معاه غامضة بحال شخصيتو.....
ضحكات براءة ناطقة بخفة....
براءة: على أساس نتي كتاب مفتوح... حتى نتي غامضة بحالو.....
فتون: ولكن هو ماموضحش معايا الأمور...عارفة بلي زواجنا كان تقليدي وماشي عن حب لدرجة وليت كنظن واش غير فالأوراق ولكن هو بينلي العكس بينلي بلي هو كيبغيني... وشي مرات كنحس بيه باغي ينتاقم مني.....
حطات الكاس من يديها ورجعات شعرها وراء وذنيها....
فتون: ماعرفتش كيف نشرحليك.... ولكن هو عندو دافع قوي لي خلاه يتزوج بيا ولكن ماعرفتش شنو هو..... أنا وليت خايفة بزاف.... الأمور غادية وكتعقد بيني وبين نفسي وحتى مع الناس لي ضايرين بيا.....
مدات براءة يديها ليدين فتون كتمررهم بحنان كمحاولة طمأنها ونطقات....
براءة: ماتخافيش هادي مجرد وسوسة....استعيدي بالله وباذن الله كلشي غايكون مزيان.... نتي قوية ودزتي من ماصعب مغاتخلعيش دبا... كملي فطورك وخلينا نخرجوا نبدلوا الجو وخا....
هزات فتون راسها بالإيجاب بدون ماترد بأي كلمة.....
كملوا فطورهم وتوجهوا للسيارة...قادهم الشيفور لأقرب مركز تجاري موجود.... دخلوا وبداو كيتقداو تحت رأي براءة.....
خدات ليها بزاف دليشوميز دو نوي أشكال وأنواع.... وخدات ليها كسيوات صيفية... وعاد ليمونطو حيت داخل البرد وأكيد مانساتش راسها.....
توقفات أمام متجر كيبيع أكسسوارات رجالية..... وتكلمات بحب....
براءة: فتون بغيت ناخد كادو لعثمان أجي ندخلوا....
جراتها للداخل وبدات تقلب على شي قطعة تكون فريدة من نوعها يتفكرها بيها طول الحياة... طاحت عينيها على سنسلة فضية ديال اليد ومشات بإتجاه مول المحل بعيون لامعة....
براءة: واش يصلاح يتنقش عليها شي اسم او حرف....
مول المتجر: معلوم الالة نتي عطيني غير الإسم نوجدهاليك فالحين....
براءة: بغيتك تكتب براءة....
نتاظروا خمسة دقائق او وجدات الهدية.... خلصات فتون بالبطاقة البنكية وخرجوا راجعين للڤيلا....
#يتبع..... بأنامل: رباب نجمة 🖤🔥
رأيك كيهمني وماتنسايش ديري جادوغ كبير بحال قلبك ❤️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
