🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء العاشر🌟
متسطحة على السرير كتمضع فالمسكة مدوزة الوقت بالهاتف ديالها... طالقة شعرها براحة وجسدها كيتحرك مع الموسيقى...... حتى حسات بشي حاجة تضربات مع الزاج......وقفات بسرعة باتجاه الشرفة حلات الباب وطلات كتقلب على مصدر الإزعاج والخوف ظاهر على ملامحها البريئة حتى كتلمحوا قدامها ببنيتو الرجولية وإبتسامة عذبة على محياه.....ضارب تيشورت كحلة مزيرة على عضلاتو الحديدية زايداه رجولة وسروال كحل مع سبادري بيضة ومدور الكاسكيط للوراء...
خرجات عنيها فيه مافاهماش تصرفو...علاش ختار الشرفة عوض مايجي من الباب..... دار ليها إشارة بيديه باش تنزل.... دخلات للغرفة وشافت نفسها فالمراية كتقاد راسها ونزلات كطير للجردة........
⚜️يسرى التلمسي، 18 سنة عندها الثانية بكالوريا شعبة العلوم الفيزيائية، مجتهدة وجادة في قرياتها، كتحب اللغات بدرجة كبيرة..... كتلقا متعة في ممارسة هوايتها الفريدة من نوعها ألا وهي الرسم على الجدران....كتعشق الحرية وعايشة حياتها على طريقتها وماشي على حساب آراء الأخرين.... غير مبالية بإنتقاداتهم ولا كلامهم.....بريئة ومبدأها هو الإستمتاع بكل لحظة في الحياة حيت الحياة قصيرة ولحظاتها لا تعوض.... خصنا نستاغلوا الفرص ونسهلوا الصعوبات.... يسرى بنت قصيرة وعامرة سمراء وذات شعر أسود مارطبش بزاف....عينين بنية صغيرة وشفار كثاف...خدود ممتلئة وملامحها زوينة وهادئة وإبتسامتها هي سلاحها الساحر⚜️
جالس على الأرجوحة ساهي كينتاظر قدومها.... شهات فيه وعينيها كيتساراو على جسمو...ابتاسمات بخبث مقربة منو ببطئ كتمشى على صباع رجليها وعاضة على شفتها السفلية.....وصلات عندو و وضعات يديداتها الصغار والسخان على عويناتو....حس بنعومة يديها ورعشة مامفهوماش سرات فذاتو....حس بشعور زوين كيلامس كيانتو وقلبو تهز فور ماحس بقبلة جريئة تطبعات على خدو..... بقا حال فمو بصدمة فحين هي جلسات حداه....تكلمات بعبوس...
يسرى: واش ماعرفتينيش ؟ كنت كنتسناك تنطق سميتي بالحق ماشي مشكل.....
ضار عندها كيرمقها بنظرات مبهمة حاملة في طياتها مشاعر مخربقة...... وهي كذلك سهات فيه وداخت في وسامتو وفنظراتو الجريئة..... حدرات عويناتها وخدودها توردو من جديد وقلبها كتسمعو كيزدح فودنيها ويديها كتفركهم..... عضات على شفاهها وهنا بالظبط ماقدرش يتمالك نفسو هاد الحركة كاتفيق غريزتو كرجل.... قرب منها بشوية....حسات بانفاسو السخان كيضربو فعنقها..... رفعات فيه عويناتها ونطقات بدلال معلية حاجبها... ووجهها بالكاد قريب يلامس وجهو....
يسرى: واش غادي تبوسني.... ؟
وسع عينيه بدهشة من كلامها....وعينيه كيتنقلو بين عينيها الصغار وشفايفها الوردية لي كيلمعوا باحمر الشفاه و رائحة الكرز كتفوح منهم... كتزيد تهيجو...نطق بصوت هامس....
أيوب: منين كتجيبي هاد الهضرة همم؟
رجعات خصلات شعرها وراء وذنيها وتكلمات بنعومة كتلعب بالخاتم لي فصبعها.... وهضرات بلطافة كتشوف فشفايفو بجرأة وشافيفها قراب من ديالو....
يسرى: قلت مع راسي غادي تبغي تردلي البوسة ديالي.....
☆كانت كتشوف فيه بجرأة زاطمة على الخجل ديالها...اما هو كان كيشوف فيها بصدمة كبيرة...كلامها عندو تأثير كبير على رجولتو..... يسرى منين جابت هاد الجرأة كاملة؟ هذا هو السؤال لي جا فبالو....عارفها حمقة ولي فقلبها على لسانها وكتنطق بلا ماتفكر ولكن معاه كانت خجولة بلا قياس ودائما كانت كتفاداه عكس الناس لوخرين..
هزات كتافها وهضرات...
يسرى: أصلا عادي حتى الفراند ديالي كيبوسني فحنكي....
كلامها غير من مزاجو بسرعة.....غمض عينيه بقوة.... نزلات عينيها ليديه لي كان جامعها على شكل قبضة.....ورجعاتها لعينيه الحمرين بحال الجمر ونطق بصوت مرتفع....
#يتـ___ـبع...
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
