🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء التاسع عشر🌟
دخلات فتون لقلب الشقة ديالو كتحاول تكتاشفها رغم صعوبة الأمر....
تكلم من وراها بصوت شبه مسموع وبنبرة رجولية متجه للمطبخ...
آرسلان: خودي راحتك أ فتون، أنا غادي نقاد القهوة...
اكتفت بالصمت واتاجهات لأقرب كرسي تما....
دخل للمطبخ كيقاد القهوة وكيبتاسم بعذوبة....سمع صوت الهاتف ديالو وجاوبت على الفور....
آرسلان: العزيزة لاباس ؟
جيدان: بخير اولدي ونت كيراك مزيان، الأمور هي هاديك!!
مسح جنب فمو بإبهامو وتكلم بإبتسامة منتصرة...
آرسلان: الأمور أحسن من لي تخيلت....
جيدان: يعني الخطوة الأولى درتيها ياك ؟
آرسلان: اه كلشي مزيان ماتشطنيش راسك.. فتون قريب غاتولي ليا...
جيدان: هادشي لي بغيت أولدي...
آرسلان: يلاه تهلاي فراسك نتشاوفوا فالليل....
جيدان: بسلامة أولدي رد البال لراسك....
بقات جالسة كتفرك فيديها بتوتر وعينيها محنية للأرض.... حاسة براسها كتعيش أحداث جديدة في حياتها مامتعوداش عليها... أحداث قلبوا حياتها وكسروا روتينها الممل.....
آرسلان الشخص لي عمرها كانت تظن انه يجمعها بيه شي كلام... لكن الصدفة قدرات تجمعهم وزاد كبر فعينيها وعطاتو بلاصة فقلبها بعينيها مغمضة بهاد التصرف البطولي... ولكن شي حاجة مامريحاهاش... شنو هي!! اشنو هي الحاجة لي فيه مامقبولاش!! شي حاجة كتخليك تغوصي فبحر من التساؤلات... بالرغم من تعاملو المزيان معها إلا ان غموضو وهدوءو كيبعث فنفسها نوع من القلق.......
تمتمات بخفوت كدور عينيها الزورق هنا ولهيه....
فتون: خصني نمشي... مايمكنش نبقى معاه فدار وحدة وبوحدنا....
كانت كتفكر غير دارية بدخولو عليها....
قفزات من بلاصتها شادة على قلبها بالخوف فور ماحسات بيه...
ضحك بهدوء كيوضع الصينية على الطبلة....
آرسلان: سمحيلي ماقصدتش نخلعك...
جلس مقابل معها وعينيه مضيقين فيها....أشعة الشمس لي داخلة من النافذة الزجاجية ضاربة فيها مخلياها تكمش عويناتها بإنزعاج بشكل مثير.........نطقات بنبرة رقيقة وناعمة...
فتون: كفاش عرفتيني تما ؟ زعما صباح خليتك فالڤيلا وبسرعة لقيتك قدامي ومن الفوق عاونتيني...
جاوبها بدفئ وعينيه على شعرها اللامع ماقادرش يمنع يديه من انهم يلامسوا خصلاتو الحريرية ويتحسسوا اطرافهم الرطبة والناعمة...
آرسلان: حيت تبعتك...
التازمات فتون الصمت مصدومة من ردو فحين هو ضحك ضحكة ثقيلة...
آرسلان: علاش توترتي هكدا... راه غير ضحكت معك...
سرحات حلقها كترعب بفنجان القهوة بين صبيعاتها الرقاق وعينيها كيدورو هنا ولهيه... قلبها كيضرب وحاسة بغرابة الجو وبنظراتو القوية لي محاصراها... حنات عينيها منو كتذكر المواقف لي جمعاتهم بجوج....
ماتوقعاتش داك الغموض والبرود فتعاملو قبل غايكون من وراه هاذ الطيبة والهدوء كامل...
وقفات بسرعة فور ماحسات بذاتها كترجف بسبب التوتر لي متالكها إثر تفكيرها فيه بهاد الطريقة.... غير كتفكر فيه قلبها كيبقا يضرب بجنون... ولسانها كيتعقد.... وذاتها كتبرد عليها.... الأمور كتخرج على سيطرتها....مزال مامتيقة بلي هي معاه دبا وفوسط دارو... وخا ولد عمها إلا وأن الأمر غريب بالنسبة ليها.....
#يتـ__ـبع....
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
