🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السبعون🌟
💜أصبح الملك لله والحمد لله🌸
على طاولة الفطور مجموع الكل بعد ليلة طويلة وشاقة... كانت أعين الجميع مصوبة ناحية العرسان لي صابحين منورين... عند بالهم دوزوا ليلة حمراء بحال أي زوجين يلاه في بداية مشوارهم الزواجي لكن هما عكس الظنون دوزوا ليلة صامتة مليئة بالتفكير ليس إلا.....
جالسة بكل رقي وأناقة متكية على الكرسي ورافعة راسها....كتاكل بالمهل وبأدب.... بحال الأميرة كيشوفها... هي لي ماراضاش ليه البال...فحين هو مغتانم الفرصة وكيشبع من شوفتها.... في الجانب الأخر كان لالة جيدان كتشوف فحيفدها وأكيد فهمات نظراتوا وبالطبع هادشي خارج الخطة لي رسماتها... ماشي هادشي لي كانت باغا يوقع...... دورات عينيها فور ماحسات ببراءة مراقباها.... خنزرات فيها وتسدات ليها الشهية.......
حط الجد المعلقة والفرشيطة من يديه ناطق بحدة قبل ماينوض من مكانوا....
الجد: غير تكملوا فطوركم تبعوني للصالة السفلية.....
ناض من مكانوا مخلي كلشي مستغرب وكيتساءل على سبب هاد الإجتماع....اما آرسلان كان منزل راسو على الصحن ديالو وفي عقلو مية سؤال... لكن الأجوبة كانت متقاربة لشنو غايوقع....
أما براءة كانت مخلوعة خاصة وان اللفعات ضايرين بيها... خافت ربما يكونوا قالوا ليه شي حاجة على علاقتها بعثمان....
كملوا فطورهم في جو مكهرب شيئاً ما.... ودخلوا للصالة كل واحد خدا بلاصتو... كيتسناو في الحاج يدوي....حتى نطق...
الجد: كنتسنى جوج ضيوف غير يوصلوا غانبداو....
دازت مدة ديال نصف ساعة والنفوس متوترة والعقول كتفكر فشنو هي المسألة لي كطلب جوج ضيوف باش يتم الأمر....
دخلات الخادمة كتقرقب بكعبها العالي ومن موراها عمران لي تغير بزاف كيف سبق وتم الوصف ديالو... لابس كومبلي كحل ومرجع شعرو الأسود للوراء... جاي وفيديه بنت بشعر بني لابسة فستان طويل باللون البني وزايدة معطف فالبيج مدفيها من برد العاصفة لي جايا في الطريق وشكون من غيرها الفتاة الطائشة لي حكمات على نفسها بزواج مدبر..."هـنـد المرنيسي"...🖤
لكن لي زاد العائلة صدمة ودهشة على قبل هو الرجل الطويل والعريض لي واقف وراء هاد جوج..... داير يدو في جيابو ونظراتو قاسية على الكل.... كارز على فكو حتى بانت وحدة من غمازاتو.... لي برزات على خدو اليسار.....
دار نظرة في أمال لي موسعة عينيها على الأخر والهاتف طاح من يديها مامصدقاش الشخص لي أمامها الأن.....
رفع سي عثمان وأخوه سي جبار حاجبيهما بإستغراب...والسؤال كان مشترك بيناتهم..."شنو كيدير عدوهم في قلب دارهم"....
ناهيك عن آرسلان لي تبسم جنب...إبتسامة حقودة على خوه وفعايلو.....
قربات يسرى من فتون لي ماعارفاش أشنو طاري غير الصمت لي سائد في المكان.....
يسرى: ختي لو تعرفي شنو غايوقع دبا....
نطقات فتون بهدوء والإستفهامات ملأوا عقلها....
فتون: شنو ؟
ربعات يسرى يديها وعينيها على الرجل الغريب وآرسلان....وتكلمات بهمس..
يسرى: عاصفة...
#يتبع.... بأنامل: رباب نجمة. 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
