🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السابع والثلاثون🌟
تكلمات مدام جيدان بنبرة مرتفعة وحادة....
جيدان: عشنا وشفنا حتى ولينا نشوفوا لي يسوا ولي مايسواش كيدور فڤيلا التلمسي بلا حشمة بلا حياء...(شافت فيها بقسوة) واخدة راحتك حاسبة الدار دارك....
ردات عليها براءة باستخفاف....
براءة: ولاهيلا داكشي لي دايرة نيت....(بضحكة صفرة) الله يخلف عليكم....
خرجات جيدان عينيها بدهشة وحاجبيها الرقيقة تعقدوا بغضب شديد......
جيدان: قليلة الحياء..شفتي هاد العائلة عمرك تحلمي تكوني منها لانتي لا ديك مك فهمتي... طيري تاتعياي كتبقاي بنت داك الحي الفقير ولي بحالك يستاحقوا يكونوا غير خدامين عندي هنا ماتنسايش راسك ألغزالة راكي غير من الطبقة الفقيرة والحقيرة فهاد البلاد......
سرطات ريقها وهي كتشوف فيها بتحدي رغم الإنكسار والضعف لي حسات بيه....
براءة: فقيرة وكيشرفني نكون كنتامي لهاد الطبقة لي نتي هضرتي عليها.... مدام جيدان تيقي بيا غرورك هذا غادي تندمي عليه وذنوب هاد الفقراء والبسطاء غايخرجوا فيك ويتصرفوا واحد بواحد شي نهار....ومن هنا لداك النهار غادي تشوفيني وسطكم ومولات هاد الڤيلا لي نتي كدوي عليها....
جيدان: ضحكتيني والله...هضرتك خاوية ومغاتبدلش الحقيقة نتي فقيرة وفوق من هادشي ماعندكش كرامة لي لاصقة فينا بحال العلكة......
براءة: للأسف امدام جيدان نتي مكتفرقيش بين الكرامة والتكبر.....
خلاتها كتغلي بالأعصاب وزادت مع الطريق طالعة الفوق وقلبها كيضرها عاد مازادت إصرار باش تدخل لهاد الڤيلا وتولي وحدة من هاد العائلة......
طلعات للغرفة ديال فتون دقات جوج دقات ودخلات تبسمات وهي كتلمح فتون بأبهى حلة....فاتنة لدرجة تذهل النفس.... كتشم عطرها الغالي من نوع رفيع........ تكلمات بمزاح وعينيها على إطلالة فتون.....
براءة: ما شاء الله متأكدة العريس غير غايشوفك غايطالبك بشي قبلة على السريع....
قهقهات بهدوء... أما فتون ابتسمت ابتسامة مزيفة هي كتحس براسها مكسورة الجناح مقادراش تخيل راسها مع آرسلان... قلبها مامطمنهاش لكن أش عندها مادير.... حلها الوحيد هو تستسلم لقدرها......
تكلمات بالهمس وبحروف رنانة هي من ديما هادئة وكلماتها مكاتلقي بيهم حتى كتدرسهم مزيان فمخها.....
فتون: نتمنى مانندمش أبراءة.....
حطات براءة الهدية من يديها وقربات منها كتهدن فيها وتواسيها.....
براءة: كلشي غايكون كيف بغيتي غاتبراي وضربيها بتزويجة فاعلة تاركة.... تفقصي لعديان والمسمومات وزيد عليها نتي غزالة وأنا متأكدة ارسلان معجب بيك وغايديرك بين عينيه... غير ماتقلقيليش راسك أزين..... نتي بعدا غاتزوجي أما أنا قريبة نمشي نخطبو بزز واه السيد شحال مقصح راسو مابغاش يتشدليا.....
ضحكات فتون ناطقة....
فتون: الصراحة حالتك أصعب من حالتي ولكن عمي قلبو حنين دغيا غايحن فيك ماتخافيش ههه عارفاك قدها وماتمشي حتى طيحيه.....عرفتي وتسيقلك جداتي الخبار والله لابقيتي شفتيه تقلبي غير تشمي ريحتو ماتلقايهاش هههه......
براءة: كضحكي عليا لمك... عاد لقيتها لتحت سمعاتني منقي خيارو قالتلك (كتعوج فيها) نتي فقيرة وبلاصتك فداك الحي الفقير..... على أساس راني كنقيل نسعا فباب الجامع أودي....
فتون: ههه جدة وانا عارفاها ديرها......
#يتبع...
فييينكمم 👀👀
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
