⚜️ البـرلـمـان الـمـغـربـي المتواجد بمدينة الربـاط {عـاصـمـة الـمـغـرب}⚜️
يـوم الـجـمـعـة: في جلسة من دورة البرلمان الاستثنائية لي تمت على أساس جدول أعمال محدد....كان نائب رئيس الوزراء هو لي مترأس الجلسة والوزراء ضايرين بيه....كيتناقشوا على المشاريع المستقبلية لي كتهم البلاد وكيوضعوا مخطط لكيفية إنجاحها... فهاد الجلسة كانت عينين صقرية مترقبة بدقة المكان فين جالس نائب رئيس الوزراء.... كيشوف فداك المكان بحال شي أسد كيتسنى الوقت المناسب لي ينقض فيه على فريستو.... وذنيه حالهم مزيان ومركز السمع فقضايا الإجتماع اما عقلو خدام كيخطط لكفاش يولي هو صاحب المكان لي أمامو... طموحاتو ولات كبيرة ولا باغي يتنقل من منصب الوزير الأول لمنصب رئيس الوزراء باغي يرفع إسم التلمسي فالبلاد.... ويساهم في إزدهار المغرب ومحاربة الفساد لي ساد فالحكم... باغي يخرب المخططات الفاشلة لي كتوضع بقرار من رئيس الحكومة......مستعد يخلي المغرب يتقدم ويولي مزدهر بالعقل الذكي لي عندو.... خصو غير الوقت وكلشي غايولي لصالحو....
انتهت الجلسة ووقفوا الوزراء كيتسالموا مودعين بعضياتهم وكل واحد راسم على وجهو ابتسامة مزيفة تحمل أهرام من النفاق.... أما الوزير الأول تمشى بخطوات ثابثة بإتجاه الباب....ماعندوش مع الشكليات والنفاق... حتى استوقفو صوت نائب رئيس الوزراء.... ضار عندو رافع حاجبو بتخنزيرة وواقف بغرور...
نائب رئيس الوزراء: سي آرسلان !! .. كيف جاوك أفكار الوزراء المحترمين... آرسلان(بسخرية): كيبقاو مجرد أفكار عمرهم يتطبقوا على أرض الواقع.... نائب رئيس الوزراء(بإحراج): هاد الإجتماع كان مهم والأفكار لي تطرحات أكيد غادي ناخدوها بعين الإعتبار باش نحلو قضايا البلاد..... آرسلان(بحزم): كون كان هاد الاجتماع مهم بصح كيفما قلتي..... كان رئيس الوزراء المحترم حضر وشرفنا بأفكارو حتى هو ماشي يكلفك نت فبلاصتو كيف كل مرة....(ربت(حط يدو) على كتفو وتكلم) على أي خليتك على خير... نائب رئيس الوزراء: الله يعاونك أسي آرسلان وبلغ سلامي لسي عثمان التلمسي...
هز راسو بالإيجاب ونصرف خارج باتجاه طموبيلتو لي كانت سيارة فخمة من نوع الجاكوار أخر مكاين...... كيتمشى بخطوات متوازنة....
⚜️آرسلان التلمسي عندو 27 عام....رجل أعمال ناجح وأصغر وزير في المغرب تولى هاد المهمة الصعبة بعدما تراجع باه باش يقابل شركتو.....آرسلان ذو شعبية كبيرة وكفاءة عالية قدر يكون قد المسؤولية ويحافظ على سمعة باه..... طويل وذو عضلات فولاذية مثيرة، ملامح قاسية ونظرات ثاقبة ومخيفة، وحروف سوداء، يعني رجل شرقي بإمتياز حامل للجنسية المغربية⚜️
انطلق بسرعة مخلي من وراه غير العجاج بإتجاه الشقة ديالو لي كيعيش فيها بوحدو...
وصل لحي راقي د الناس الهاي ..... طلع فالسانسور غافل على أعين عاشقة كترقبو من الفوق..... جبد السوارت وحل بيهم باب الشقة ودخل كانت فارغة والهدوء سائد فيها...مشا ناحية الصالة وجر الريدو باش يبان من خلال ديك النافذة الزجاجية البحر الأزرق لي كيبعث فالذات الراحة والطمأنينة.......مشا قاد قهوة كحلة قاصحة وجلس أمام النافذة كيتأمل فداك المنظر الرائع لي كيخليه يرتاح وعقلو كيفكر فالبعيد.... باغي يوصل بأي طريقة لداك المنصب.... خاصوا ضروري ينجح فالإنتخابات.... حول نظراتو للجريدة الصباحية لي فوق لاطابل..... وهز كيقراها على صوت رشفات القهوة مركز نظرو على المقال المكتوب....ابتاسم إبتسامة جانبية وعينيه ماتزحزحوش على الجريدة....كيقرا فديك كمية المدح والغزل على شركة التلمسي لإنتاج الألبان... شركة العائلة الكبرى ولي هو عضو مهم فيها....بحيث أن عائلة التلمسي كتملك مجموعة من الأراضي والمزارع لي كتضم قطعان من الأبقار والأغنام والخيلة التي لا تعد ولا تحصى.....زاد وسع ابتسامتو كيقرا فالسطور لي مادحين وسامتو وثباثو وكذلك شخصيتو المعقدة امام الإعلام..... تنهد براحة كيشرب قهوتو بالثقالة وبغرور.... مرتاح حيت هادشي لي كان باغي يتكتب عليه.... دبا هو رجل أعمال ناجح ومابقا والو ويولي رئيس الوزراء لي غايهز بسمعة البلاد و إقتصادها............
جمع الوقفة بثباث بعدما رشف آخر رشفة من فنجان القهوة.... فور ما سمع صوت الدقان فالباب.....تمشى بغرور كيتهز فالمشية.....فتح الباب وشاف بجمود مخسر سيفتو وهو كيلمح فتاة جميلة سمراء راسمة ابتسامة عذبة بلباس قصير وأنيق.....
