🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الحادي والسبعون🌟
نطق الجد بصوت قوي وعينيه على حفيدو عمران.....
الجد: قرب أولدي نورتي دارك....
ابتسم عمران بود وجر هند من يديها بحنان مقرب للأمام....
عمران: الله يخليك لينا أجدي....
ابتسم الجد في وجه عمران وضار شاف في عثمان لي مصدوم....
الجد: واش ماغترحبش بولدك..!غاتبقا غير مبلوكي وكتشوف......
تنهد عثمان بقلة حيلة وقرب لعند عمران معنقو عناق رجولي أبوي.....
عمران: توحشتك الواليد....
عثمان ضرب على كتفو ورد عليه بخفوت...
عثمان: خبارك واصليني العفريت.... درتي مابغيتي ولكن غانتفاهموا من بعد.....
عمران: قولي رجالك دايرين خدمتهم....
بعدوا على بعضهم وتقدموا الأخرين كيباركوا ليهم....
لالة جيدان كطلع وتهبط في هند لي ماجاتهاش على الگانة....
لالة جيدان: أش سماك الله....
ابتسمت هند بثقة ونطقات رافعة راسها بشموخ....
هند: هـنـد المرنيسي....
علات حاجبها كتذكر هاد النسب عاد نطقات....
لالة جيدان: همم مرحبا بك معنا....
نزلات راسها بإستحياء وعاد رفعاتو ناطقة...
هند: شكرا أمدام....
بعدات أمال من حداهم وقلبها كيضرب بالجهد كتشوف فيه كيفاش واقف كيشوف فيها بدون خوف..... أما هي متوترة بشكل ملحوظ ويديها كيرجفوا واش ناصر هداك لي واقف ولا غير كتخيل.....
أما فتون بعدما قالتليها ختها بلي عمران جايب خطيبتو وسمعات المباركات ديال العائلة.... كحزات من حداهم وجلسات بجنب راجلها حتى صدمها منين شد فيديها كارز عليهم بتملك......
مزال كيشوف فيها بنظرات مبهمة حاولات تفسرهم لكن مالمحات فيهم غير التحدي شي لي حرك فضولها حول السبب لي خلاه يتواجد هنا......
تقدم عمران نحو ناصر ونطق كيشوف في آرسلان....
عمران: تقدروا ترحبوا بالشريك الجديد لسلسلة شركات التلمسي... حيت أنا بعت ليه جميع الأسهم لي كنمتالك.... كنظن هاد المجال مكيخصنيش وسي ناصر المالكي هو أولى بهاد المنصب... ونزيدكم بغيت نخبركم بلي قريبا غانترشح للإنتخابات.....
شاف في هند وشد فيديها كيطمأنها بإبتسامتو.... في حين صفق آرسلان وقرب أكثر منو ناطق....
آرسلان: براڤو في الحقيقة قدرتي ثير إنتباهي بهاد الخطة الذكية... كبرتي أو وليتي كتفكر ولكن قدما كبرتي غاتبقا غير خويا الصغير..... والإنتخابات بالنسبة ليك حلم وعمرو يتحقق....
ضار شاف في ناصر ونطق بإبتسامة ساخرة....
آرسلان: مرحبا بك وسطنا غادي نستمتعوا في الخدمة مع بعضياتنا....
جر فتون من يديها ونساحب من تما مخليهم غير كيشوفوا في بعضياتهم.... وعمران مكره من الموقف لي تحط فيه.....
#يتبع.... بأنامل: رباب نجمة. 🔥🖤الأحداث لي جاية نار يا حبيبي ❤خلي رأيك في القصة وتوقعاتك حولها!!
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
