🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثامن والثلاثون🌟
تمشات بدلال جهة النافذة كتمايل بقفطانها.....وقفات سارحة لبعيد ونطقات بصوت حلو....
براءة: أيما وإمتى غايحن فيا ويعطيني قلبو..... غادي نحماق أفتون......
ضحكات فتون بخجل ونطقات كاتمة ضحكاتها الأنثوية.....
فتون: ناري حالتك صعييبة... عمي لو شافك هكا أكيد كان غايتصدم.....
ضارت عندها بسرعة.....
براءة: وراه شافني رغبتو حتى عييت ولكن والو لي فراسو فراسو.... مافهمتش مالو على هاد التعقاد كامل كون ماكنتش عارفة طبعو نقول شابه فمو.......
جلسات فتون على السرير وبدات كتقاد فقفطانها....
فتون: داك العقل لي عندك وقيلة طار.......حضري عقلك لا بغيتي عمي أما إلا خدمتي قلبك غاتولي بحال المدلولة وماتحلميش بيه أبراءة.....
خرجات براءة عينيها بإستغراب معلية حاجبها الأيسر مافاهماش قصدها وقربات منها جالسة في الأرض مقابلة معاها.....
براءة: مافهمتش أش خصني ندير زعما......
تكلمات فتون بجدية ويديها على كتاف براءة....
فتون: لي نتي ماعارفاش أبراءة أن عمي رجل مغيار وعصبي فالأمور لي متعلقة بالحب.... إلا بغا بصح مستحيل يخلي شي رجل كيف مابغا يكون يقرب من حبيبتو..... واش فهمتيني...
هزات راسها بفهم وعينيها موسعين على الأخر دايرة إبتسامة واسعة....إبتسامة منتصرة وقلبها كيضرب بحب كبيير......
براءة: اوا هاحنا غانشوفوا اسي عثمان واش هاد الحل غايصدق معاك....
ربتات فتون على كتافها ناطقة بخفوت مؤيدة كلامها.....
فتون: غاايصدق غايصدق.....
ضحكوا بجوج وبداو كيخططوا للخطوة الجاية.....
حتى تحل الباب ودخل آرسلان التلمسي مخلي عطرو الرجولي يسبق خطواتو باش يتغلل داخل جيوبها الانفية......ماكانتش متوقعة نهائيا زيارتو ليها...... خرجات براءة مخلياهم الراس فالراس......
دفع الباب حتى تسد واهتز قلبها مع ديك الزدحة.... قرب منها بهدوء وبدون مقدمات جبدها من خصرها مقربها من جسدو الضخم ونزل بشفايفو على خدها الناعم مقبلو بحرارة.... وكردة فعل متوقعة منها حطات يديها على صدرو العريض وشهقات بصدمة.....
مازال ماتعودات على هاد القرب كامل....خايفة وقلبها كيضرب حاساتو غايسكت.... فاش كتكون معاه عقلها كيحبس... كأن جميع أعضاءها كتوقف إلا قلبها لي كيبقى يخبط.....
همس ليها وعينيه على عويناتها الزرقين وخدودها الحمرين....
آرسلان: اش خبار غزالي... على بالك جيتي كتفتني..
ارتابكات وتمنات الأرض تنشق وتبلعها.....بدات كتكح بقوة التوتر والخجل....
فتون: كح كح الماء عفاك....
بعد بسرعة كيقلب على كاس يروي عطشها وقربو ليها.... شربات عاد رجعات فيها الروح ونطقاات.....
فتون: احم خصنا نتافقوا على واحد الحاجة.....
آرسلان: شنو هي ؟
بعدات منو وكلسات على السرير عاطياه بالظهر.....
فتون: مابغيتش ندير العرس يكفي نكتبوا الكتاب غدا ونمشيو بعدو لروسيا.....
تفاجأ بزاف حيت أي بنت كتحلم دير العرس وتفرح براسها.....لكن ماكان ردو غير أنه يوافق ويدير لي طلبات....
آرسلان: براحتك......
قرب منها حسات بأنفاسوا كضرب في عنقها مخلية قلبها يضرب بسرعة ونطق....
آرسلان: جاتك الدرة زوييينة.....
انساحب مخليها تاخد راحتها وتوجد راسها.... اما هي بقات كتفكر في هاد الإعجاب لي كيزيد ناحيتو في كل مرة كتشوفو.......
#يتبع....
بقلم: رباب نجمة❣️تفاعلوا خليو أراؤكم وتوقعاتكم
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
