🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء التاسع والستون🌟
قرب آرسلان لفتون لي نزلات الشال على وجها كيف خص يكون ونتاظراتو على أحر من الجمر باش يقرب كثر.....
تحنى على ركبته اليمنى ثاني الرجل الأخرى وهز الطرحة على وجها باش يبانوا ملامحها الفاتنة من جديد.....
سها فملامحها وبحر عيونها فور ما هزات عينيها باش يتسحر بلونهم من جديد...توردوا خدودها بخجل ومع ذلك بقات مركزة نظرها فوجهو رغم انها مكتشوف والو غير الظلام لكن عطات فرصة لمخيلتها تخيط واقع فأحلامها.... حتى فيقاتو من سهوتو لالة نصيرة....
لالة نصيرة: ولدي واش نت معنا....!
بلع ريقو وقرب من فتون واضع قبلة ساخنة على جبهتها الباردة بحال الثلج.... على أكثر الطرحة باش طيح في الأرض....
هز بين يديه كاس دالحليب لي محطوط في السينية ومدو لفمها باش تشرب...شربات ومن بعد عطاها ثمرة ليديها....شداتها وعضات منها ومداتها لفمو باش ياكل ماتبقى منها على أساس يتقسم بيناتهم القدر.....
سمعات صوت النسا لي بداو يصليو على النبي.... تنهدات مشجعة نفسها باش دير هاد الخطوة ورفعات قدمها زاطمة عليه بقوة وعنف..... غمض عينيه مستسلم لحركتها العنيفة ومبتسم فنفس الوقت إبتسامة فوجها فقط....
أكيد هي ماشافت لا إبتسامة لا شبحها.... ومع ذلك حسات براحة وهي معاه....
قرب من وجها كأنه باغي يقبلها ونطق بخفوت وبصوت هز قلبها من مكانو وزادو في سرعة نبضو.....
آرسلان: جيتي غزالة أمراتي.....
بللات شفتيها بالعة ريقها والتوتر طاغي على ملامحها مزيرة على الخاتم لي فصبعها مارتاحت حتى بعد عليها تاركها قارمة في بلاصتها وخارج من ديك الصالة....
ضاروا بيها النساء والبنات كيرقصوا فرحانين بهاد المناسبة وبشنو شافت عينيهم بين آرسلان الوسيم و فتون الخجولة.....
لكن بعيد عليهم كانوا جوج بنات كيتكلموا ومن ملامحهم باينين حاسدين فتون ومراضيينش بهاد الزواج لي تم فوق رغبتهم.....
🌸الفتاة1: شفتي ياختي كيف قرب منها وهمس عند وذنيها.....
💎الفتاة2: گاع ماتستاهلوا العمياء اش بغا بيها....
🌸الفتاة1: غير على قبل المصلحة دبا تشوفي إلا مافات عام وطلقها مانتسماش....
💎الفتاة2: مانقدرش نتسنى عام باش يطالقوا خصني ندير شي حاجة وإلا عمرني نحلم بيه....
🌸الفتاة1: واش من نيتك دبا سي آرسلان بقامتو غادي يشوف فيك أ بسمة رجعي اللور وتفرجي حسن ماتجيبيها فضلوعك جيتي لرحبة فلييو وعطستي... راه السياسيين مامعاهم لعب والله مايعقلوا عليك....
💎بسمة: ومالني اختي لي مايشوف فيا طويلة وعامرة صدر والطرمة واللحم حتى شاط اش بغا كثر.... بغيت غير ليلة وحدة غير ليلة إلا ماخليتوا يدور ويهتهت بسميتي يا كريمة مانتسماش بسمة....
🌸كريمة: غادي نشوفوا كيفاش نديروليها ولكن عنداك إلا حصلتي تجبديني والله يامك حتى نفرسك.....
💎بسمة: أماتخافيش اصاحبتي....
سالات الحفلة لي دامت 5 ساعات....غادروا الضيوف وكل فرد من عائلة التلمسي طلع لغرفتو.....💜
#يتبع..... بأنامل: رباب نجمة🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
