🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء السادس عشر🌟
دازت ديك الليلة في هدوء عند الجميع كل واحد اتجه لغرفتو سد عليه وخدا راحتو مع راسو.... كاين لي سمح لدموعو تسيل وكاين لي خلا تفكيرو يسرح لبعيد.... وكاين قلب معذب وسبابو نار الحب.....وكاين لي فراسو خطة ولازم عليه ينفذ....
⭐أصبحنا وأصبح الملك لله..👑
يوم جديد والكل عندو امل فأنه يكون أحسن🌸
تسمع صوت خطوات حادة على الأرضية الرخامية تردد في الڤيلا كاملة خلا الخدامات يخرجوا بسرعة يستقبلو الشخص لي دخل حتى خرجوا عينيهم مامصدقينش شكون قدامهم....كانت مرأة في عقدها الستين واقفة بشموخ ومعلية راسها لفوق بتعالي وبتكبر واضح كترمق الخادمات لي مستفين قدامها وخايفين من نظراتها لي كتحمل في طياتها الإحتقار والإشمئزاز..... لابسة فستان باللون الأخضر عازل جسمها الممتلئ...طالقة شعرها القصير و واضعة ماكياج مخبية بيه علامات الشرف.....
⚜️مدام جيدان التلمسي، مرأة فالستينات من عمرها... فاهمة وقارية سواري هاد الدنيا.... كيدها عظيم وعقلها فهيم... من طباعها التكبر والغرور...كتهتم بالمظاهر والشكليات.... أرملة وأم لجوج رجال (جبار، عثمان) وبنت (رقية)، طبعها صعيب ومكتهتمش بمشاعر الأخر كل همها ترضي نفسها وغرورها⚜️
تقدموا الخادمات عندها كيحاولوا يخدموها ويرحبوا بيها.... أما هي غير هازة راسها لسما كأن الأرض ماقاداهاش... وبجنبها السائق فيديه حقيبتها....
تكلمات بصوت مسموع وعينيها كيشوفوا لبعيد موجهة كلامها للسائق....
مدام جيدان: نت طلع الشانطة لفوق....
قرب عندها رئيس الخدم وتكلم بإحباط....
رئيس الخدم: مرحبا بك مدام جيدان الڤيلا نورات بوجودك...أنا دبا غادي نسيفط شي بنت توجد بيتك...
وسعات عينيها فيه ورجعات طلعات حاجبها فيه مخنزرة وتكلمات بحدة....
جيدان: بيتك ؟ أنا نجلس في غرفة عادية ؟؟ (بالغوات) واش مزال ماوجدتو جناحي؟ اش هاد الإستضافة....
تمشات لوسط الڤيلا كتغوت....
جيدان: واش أنا جاية وحتى واحد ماداير بحسابي أش هاد قلة الصواب والأداب مابقيتوا كتحتارموا حد، لالاكم جيدان لي جاية من أخر الدنيا باش نتلقى ترحيب بحال هذا فين هو الخليب والتمر لي مولفة عليه... فين الحفلة لى من المفروض تكون على قبلي....لالا الأمر مابقا يعجب كلشي تغير فهاد الڤيلا....
كان تابعها رئيس الخدم بسرعة وبتوتر كبير تكلم وهو خايف على راسو منها... بكلمة منها وهي في هاد المزاج أكيد غادي يخسر خدمتو ومايحلمش يزيد ضربة وحدة فهاد الڤيلا....
رئيس الخدم: لالة جيدان، خبر قدومك كان على غفلة مالحقناش نوجدوا جناح يليق بمقامك (بلع ريقو وتكلم بخفوت) خاصة وأن شروط استقبالك لي نتي حطيتيها صعيب نطبقوها فظرف ليلة.....
ضارت عندو بغضب والشرار كيتطاير من عينيها وملامحها خشنة وكتبعث الخوف في الشخص الأخر.... هزات صبعها بتحذير ناطقة بنبرة قوية....
مدام جيدان: كفاش سمحتي لنفسك تهيني بهاد الطريقة... الأمور بيناتنا وقيلة مزال ماواضحة... رأي الخدم في هاد الڤيلا مكيهمش حنا درناكم غير باش تخدمونا.... (ضغطات على كلامها بطريقة مستفزة) حنا كنآمرو ونت ولي بحالك كينفذوا مفهوم وإلا حطيت شروط يعني لازم عليك تنفذها...راك كتخلص على هاد القبال أسي... ودبا تحرك عليا مابغيتش نشوف خليقتك قبالتي درت غير بوجه السنين لي دوزتيها معنا فهاد الڤيلا أما كون لقيتي راسك مشرد فالشارع بلا حتى سنتيم..... (بالغوات ملوحة بيديها فالهواء) تحرك....
حنا رئيس الخدم راسو بإحباط مارضاش بكلامها المستفز....احتاقراتو وكانها هي ملكة الكون... تمشا هارب من الموقف لي عاشو والجو لي خنقو...... أما هي فكملات طريقها للأعلى ماعاجيها الحال غير كتنفخ وتسوط......
دخلات لجناح لالة نصيرة بلاما تدق لقاتها جالسة فوق الفوتوي كتقرى كتاب....تمشات بخطوات واثقة باتجاهها ونترات الكتاب من يديها بالجهالة خلات نصيرة تشوف فيها بعدم فهم...
نصيرة: حماتي!! إمتى جيتي؟ ياك عاد اتصلتي وأجلتي مجيتك لغدا.. ؟
جيدان: مغانتسناش منك الإذن باش نجي لداري ألالة نصيرة...سواء اليوم ولا غدا أنا لي كنقرر...
شافت فيها نصيرة بتعجب مافاهماش مالها على هاد الهضرة الناقصة....
نصيرة: ياك لاباس أ مدام جيدان ؟
جيدان انفاجرات فوجها بحال القنبلة ونطقات بغضب...
جيدان: يمكن غلطت فاش خليت ولدي يتزوج بوحدة بحالك قليلة الأداب والصواب.... إنسانة مهملة...نتي فهاد العائلة ماغندك حتى دور كلشي كتلقايه واجد...انا جيدان التلمسي بسبب الإهمال ديالك مانلقاش الخدم موجدين بحسابي.... كفاش قدرتي ماترحبيش بيا كما يجب...
وسعات نصيرة عينيها بدهشة والإحمرار كتاسح وجها بأكمله...
نصيرة: وقيلة ماراكيش على برجك... ياكما الطيارة طارت بعقلك أمدام جيدان... اش هاد الهضرة كتسمعيني بعد هاد الغيبة كلها....
جيدان(بشر): مزال تشوفي مني العجب.....
مشات خارجة من الجناح مخلياها فحالة صدمة...مستحيل تقدر تصبر على تصرفات هاد المرأة حتى ماقالت تهنات منها باش ترجع لنفس الحالة من اول وجديد....
#يتـ___ـبع....
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
