دور راسو للزاجة وابتسم بهدوء كيخمم في الخطوات الجاية.....
راوداتوا بزاف دالأفكار أغلبها من نوع خبيث لي يقدر يسمم حياة هاد الفاتنة لي ممسكة بيديه ماعلابالهاش بنيتو الوقحة ناحيتها رغم أن قطعة من قلبها كتخبرها بلي شي حاجة فيه مكتريحش...... في عز إبتسامتها الخجولة إثر فرحتها وهي بجنبو جات لبالها فكرة فور مامسحاتها باش يتملكها حالة من الخوف و عدم الارتياح.....
شافت فيه بنظرة خاطفة كتخيل شكلو كيف داير لكن السواد كان غالب....
تخيلات وجهو أكيد غايكون جامد غادي يكون وسيم؟ معلوم الصحافة شحال شكرات فجمالو.....
أما هو كان ساهي كيفكر ومرة مرة كتبان عليه شبه إبتسامة ماواضحش معناها لكن بالتأكيد انها أبدا مكطمنش......
دازت تقريبا نصف ساعة وتوقفات الطموبيل أمام المول.... بلاصة الطموبيل ونزل بإتجاهها منزلها بحال شي بنيتة صغيرة.... شد فيديها مقبلها بحنان واضع قناع البراءة ومتقمص الدور مزيان.....
تمشاو لداخل المول او توقفوا أمام متجر كبير خاص بالذهب.... دخلوا وهي غير زايدة حداه ماعارفاش شنو واقع من حولها.....
